Tani Motiki-taeka 2:11 - Te B'aib'ara

^11-13 E a tia te UEA ni kaotinakoia aia bakatibu mai Aikubita, ao a tia n taromauriia. Ma n te tai aei, a aki taromauria te UEA Iteraera, ao a manga taromauri bouanantin B'aara, ao bouanantin Nei Atiterota, ao ai uana naba ma bouanantiia atua riki tabeman ake ni botannaomata ake i rarikiia. Ao E rangi n un te UEA

Tani Motiki-taeka 2:11 ပူးပေါင်းရင်းမြစ်များ

Karikani B'aai 13:13

are te kaawa are a buakaka kaaina, are a bubure nakon te UEA.

Karikani B'aai 38:7

Ao e buakaka aron maiun Era, E aki kukurei te UEA i rouna, ma ngaia are e a tiringaki iroun te UEA.

1.Uea 11:5

Ao Toromon E tataromauria te anti te aine are Nei Atitoreta are antin Titon, ao Mirekom are antiia kaain Ammon ae e rangi n ribaaki.

1.Uea 18:18

Ao e taku Eria, Tiaki ngai te tia kakiriwe ae moan te buakaka ma boni ngkoe. Boni ngkoe ma am utu aika kam aki ongotaeka nakon ana Tua te UEA ngkai kam taromauria B'aara.

1.Uea 22:53

E taromauria B'aara te uea are Aatia ao e rangi ni kauna te Uea ae Atuan Iteraera, n aron are e tia ni karaoia tamana.

2.Rongorongo 28:2

ao ti te bo ana bure ma aia bure uean Iteraera. E karaoi bouanantin Baara,

2.Rongorongo 28:3

ao e anga karea n te M'arua are Innom. Ana bure ae e rangi ni buakaka ngke e anga oin natina te m'aane b'a ana karea, are bon te katei ae moan te buakaka ngkoa irouia te botannaomata ake a kanakoaki iroun te UEA mai aon Iteraera.

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Etira 8:12

Teromita are natin Iotibeia te m'aane ma tebubua onongaun m'aane man ana utu Bani;

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Taian Areru 78:56

A kataa naba te Atua are Moan te Rietaata, Ao a rawa ni kan aan-taeka i rouna; A aki ongeaba nakon ana tua,

Ieremia 11:10

A a bon tia naba ni bure n aroia aia bakatibu, n aroia ngke a rairakinako mairou ao a manga taromauriia anti tabem'aang. E a tia te abanuea meang are Iteraera n urua te boraraoi are I karaoia ngkoa ma aia bakatibu, ao ngkai e a manga karaoa naba anne te abanuea maiaki are Iuta.

Ieremia 16:11

Ao i mwiina, ko na tuangiia te b'ai ae I a tia n taekinna: Kaain Iuta, a tannako ngkoa ami bakatibu ma i Rou, a katinanikui Au tua ao Au reirei ao a manga moana taromaurian anti tabem'aang.

Ieremia 2:20

Kam kiitanai n taai ake ngkoa ao kam urui taiani kabae ni kabane ake i marenara, kam rawa n riki b'a Au taani m'akuri. Ao ngkai kam a taromaurii anti tabem'aang n aromi ni wene ni bure i aon taian tabuki ke i aan nuuni kaai aika a korakora.

Ieremia 2:23

Kam kakewei ami bure ao kam taku, “Ti itiaki. ti aki taromauria B'aara.” Ma kam na iangoa te b'ai ae kam karaoia n te M'arua are Innom. Ao kam biriaitua kaanga kaamero aika ataei, ni kawaekoaingkami n taromauria te bouananti teuana i mwiin teuana.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Ieremia 9:14

A taningabono ao a taromauria B'aara, n ai aron are a karaoia ngkoa aia bakatibu.

Warekaia Iteraera 25:3

Ao E un te UEA irouia Iteraera i bukina ngke a taromauriia te anti are B'aara Beore.

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

Te Tua-Kaua 4:25

Ao ane kam na waekoa n ri nanon te Karaanga are te Ioretan ma n tekateka n te aba. Ao n ririki aika na roko, ao a na riki natimi, ao a na manga karikiia tibumi. Ao i mwiin ririki aika bati, ao ane kam na m'aninganako, ao kam na karaoi bouananti, e ngae ngke E ribaai te UEA ae Atuami. Ma ngaia are, I anganingkami te kauring n te bong aei, ao I wetea te aonnaba ma karawa b'a taani kakoaua. Ngkana kam karaoa te bouananti, ao E na un te UEA, ao a na aki ananau maiumi, i bukina b'a E na tiringingkami.

Tani Motiki-taeka 10:10

Ao a bubutiia te UEA buokaia ao a raraoma nakoina ni kaangai, Ti a tia n aki kakaonimaki nakoim. Ti a tia ni katoka taromauriam ma n taromauriia Bara.

Tani Motiki-taeka 10:6

I nanon te tai ae aki maan, ao a manga moanna n aki ongotaeka Iteraera nakon te UEA ni manga taromauriia B'aara, Nei Atiterota, ao atuan Turia, Titon, Moaaba, Ammon, ao Biritia.

Tani Motiki-taeka 13:1

Ao a manga moana naba aki ongotaekaia Iteraera nakon te UEA. Ma ngaia are, E kanakoia kaain Biritia te UEA b'a a na taua taekan Iteraera i nanon 40 te ririki.

Tani Motiki-taeka 3:12

Ao a manga aki ongotaeka naba Iteraera iroun te UEA. Ma ngaia are, E kataenikaiia Iteraera te UEA iroun te uea are Ekeron are uean Moaaba,

Tani Motiki-taeka 3:7

Ao a bure Iteraera i bukina ngke a m'aninga taekan te UEA ma n taromauriia bouanantin B'aara ao Nei Aatera.

Tani Motiki-taeka 4:1

I mwiin maten Euta, ao a manga moana naba aki ongotaekaia Iteraera iroun te UEA.

Tani Motiki-taeka 6:1

Ao a manga waakina naba aia aki ongotaeka Iteraera nakon te UEA, ma ngaia are, E a anga ngaiia nakoia kaain Miiria b'a a na tauaki taekaia irouia i nanon 7 te ririki.

Tani Motiki-taeka 6:25

Ao E a manga taetae naba te UEA nakon Kiteon n te tairiki arei: “Anaa ana kaom'aane tamam ane ana kauoua n tamaroa ae tuai ni koromangeaki ae ai tib'a 7 ana ririki ni maiu. Ko na kamanena te kaom'aane anne ni katika ni kab'aka iai te baonikarea are tataromauria iai B'aara tamam, ao koroi taiani baangota akana i rarikin te baonikarea.

Tani Motiki-taeka 8:33

Ao i mwiin maten Kiteon, ao a manga tannako Iteraera mairoun te Atua. A katei bouanantin B'aara ao a taromauria B'aara Berita b'a atuaia.

1.Tamuera 12:10

Ao a manga tang naba nakon te UEA ami bakatibu i bukin buokaia. Ao a taku, “Ti a tia ni bure! Ti aki tataromauriko, ara UEA, ao ti a manga moana taromaurian B'aara ao Nei Atiterota. Ma ngkana Ko kamaiura ngkai mairouia ara kairiribai, ao ti na manga taromauriiko.”

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”

1.Tamuera 7:4

Ao a bane ni kanakoi bouanantin B'aara ao Atiterota ma ni moana taromaurian te UEA n ti Ngaia.