Tani Motiki-taeka 2:1 - Te B'aib'ara

¹ Ao E m'ananga Ana anera te UEA mai Kirekara nako Bokim ao E anganiia Iteraera te rongorongo aei: I berita nakoia ami bakatibu b'a N nang anga te aba aei nakoia ami utu, ao e karokoia ami aomata aikai mai Aikubita. Ti karaoa ngkoa te berita, ao I berita b'a e na aki uruaki.

Tani Motiki-taeka 2:1 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 16:13

Ao e taku Nei Aka i nanona, “I a kara ao I a noora te UEA, tao E kamaiuai b'a N na taetaekinna!” Ma ngaia are e arana te UEA are E a tia n taetae nakoina b'a, “Te Atua ae matairiki.”

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

Taian Areru 89:3

E taku am Taeka, “I a tia ni karaoa au boraraoi ma te aomata are I rineia; I a tia ni kab'aka au taeka nakon au toro are Tawita, ni kaangai,

Taian Areru 89:34

N na aki urua au boraraoi ma ngaia ke ni bita au taeka are I a tia ni kab'aka nakoina.

Te Otinako 14:14

E na buaka te UEA ae Atuami i bukimi, ao bon akea te b'ai teuana ae kam na tangiria ni karaoia.”

Te Otinako 14:19

Ao E a manga nako aneran te UEA are memena i moaia tautian Iteraera nako ni mena mai buki. Ao e m'aing nako naba te boua te nang ni karokoa

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 23:20

N na kanakoa te anera b'a e na kaawakiningkami ma ni kairiingkami nakon te aba are I a kaman anganingkami.

Te Otinako 33:14

E taku te UEA, “N na iringkami ma n anganingkami te rau.”

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 14:21

Ngkana Ko kamaiura, ao ane e na kaota aron korakoram. Ko na aki kariaia am kairiribai b'a e na kam'araea am Tembora, are Am kaintokanuea ae e tamaroa. Ko na aki m'aninga are Ko a tia ni berita b'a Ko na kamaiura.

Nakoaia Ibonga 26:42

N na kaawakina te berita are I a tia ni karaoia nakoia ami bakatibu ake Aberaam, Itaaka ao Iakob'a. N na kakab'aiaa abami,

Nakoaia Ibonga 26:44

E aki akaaka b'a tera ae kam a tia ni karaoia, ma bon te UEA naba Ngai ae Atuami, ao N na bon aki manga katikui taekami, ke ni kairiribai ma ngkami i abaia ianena.

Tekaria 11:10

N te bong naba anne, I otea te kai are e aranaki b'a “Nanoanga” ni kaotia b'a E a tia te UEA ni kamaunaa Ana boraraoi ma aomata nako.

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

Warekaia Iteraera 14:34

N na boni karawawata tuaami ni katoabong i nanon abwi te ririki. Teuana te ririki i bukin teuana bongin tuoan ngkoa te aba arei.

Te Tua-Kaua 1:8

I anganingkami ngkai te aba aei n aron are I a tia ni berita iai nakoia ami bakatibu ake Aberaam, Itaaka, ao Iakob'a. Kam na nako ngkai n taua te aba.’ ”

Te Tua-Kaua 7:9

Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

Tani Motiki-taeka 11:24

Ngkana atuami Kemoti ao e taua te aba man anganingkami, e koaua b'a akea ami b'ai iai? Ma ngkana E anaa te aba anne te UEA ma n anganiira, ao bon abara!

Tani Motiki-taeka 13:2

E maeka Manoa n te kaawa are Tora. E kanoabo buuna,

Tani Motiki-taeka 13:3

ma n te tai teuana E kaoti Ana anera te UEA nakoina ao e taku: E tuai man reke natim, ma n te tai ae aki maan ao ko na bikoukou ao e na reke natim te m'aane. E na riki b'a Ana b'ai te Atua man te tai are e moani bungiaki iai, ma ngaia are, e na aki kokoreaki iran atuuna. Ao i m'aain naba bungiakina, ao ko na aki momooi n te wain ke te biia ke ni kang am'arake aika tabuaki kanakiia n aron ake n ana Tua te Atua. E na moana kainaomataia Iteraera natim te m'aane mai rouia kaain Biritia.

Tani Motiki-taeka 2:5

ao a anga aia karea nakon te UEA. Ao mai mwiin te tai anne ao a arana te tabo anne b'a “Tanginiwenei.”

Tani Motiki-taeka 6:8

Ao E kanakoa te burabeti nakoia ma te rongorongo aikai: Bon te UEA Ngai ae Atuaia Iteraera, ma ngaia are, kam na ongora nakon te b'ai ae N na taekinna. Bon taian toro ngkoa ngkami i Aikubita, ao I kainaomataingkami ni kaotinakoingkami mai Aikubita nakon te aba aei. Ao ngke a manga karawawataingkami kaain botannaomata ake ikai, ao I kamaiungkami ni katokanikaingkami i aoia ma n taua abaia.