Tani Motiki-taeka 19:8 - Te B'aib'ara

⁸ N te kanimaua ni bong, ao e a manga kautim'aaka te m'aane arei n te karangaina b'a e nangi nako, ma e a manga taku riki taman buuna nakoina, “Taiaoka ma am'arake riki teutana. Ko a kamaraua riki taai.” Ma ngaia are, a manga am'arake riki m'aane akekei.

Tani Motiki-taeka 19:8 ပူးပေါင်းရင်းမြစ်များ

Taian Areru 104:15

Ma te wain i bukini kakukureian nanona, Ma te b'aa b'a e na kabira ubuna iai ni kamaraberabea, Ma te am'arake b'a e aonga ni marurung iai.

Tani Motiki-taeka 19:5

Ao ngke a bane n uti aomata n te kaa aua ni bong, ao e a katauraoia kanoan Rewi arei n okira mwengana. Ma e taku taman buuna nakoina, “Ko na aki nako ni karokoa ko tia n am'arake. Ko bon riai n am'arake n karekea korakoram i m'aain te m'ananga.”

Tani Motiki-taeka 19:7

Ao e kataia ni iangoa nakona kanoan Rewi arei, ma e aki kariaia taman buuna, ngaia are, e a manga tiku riki teuana te tairiki.

Tani Motiki-taeka 19:9

Ao n te kabanea n tai, a teirake mai aon kanaia, ma ngaia are, a nang m'ananga nako ngaia ma buuna ao ana toro. Ma e a manga taku taman buuna, “Nooria, e a kaani bong, kam na bon aki roko n ami tabo ao e a roo naba. Tiiku riki teuana riki te tairiki ni kakukureingkami. Ao kam a kautim'aakaingkami nakon te ingabong n okira mwengami.”