Tani Motiki-taeka 19:5 - Te B'aib'ara

⁵ Ao ngke a bane n uti aomata n te kaa aua ni bong, ao e a katauraoia kanoan Rewi arei n okira mwengana. Ma e taku taman buuna nakoina, “Ko na aki nako ni karokoa ko tia n am'arake. Ko bon riai n am'arake n karekea korakoram i m'aain te m'ananga.”

Tani Motiki-taeka 19:5 ပူးပေါင်းရင်းမြစ်များ

Karikani B'aai 18:5

N na uota mai te am'arake teutana b'a kam aonga ni manga marurung i m'aain manga reitan nako kawaimi. Ke e butim'aeaki b'anaau ae mangori aei iroumi. Ao a kaeka, Ko rab'a; ti butim'aea nanom.

1.Uea 13:7

Ao e taku Ieroboam, “Ti a nakon au auti b'a N na am'arake ma ngkoe. I tangiria ni b'aintangiraiko i bukin te b'ai ae ko a tia ni karaoia.”

Taian Areru 104:15

Ma te wain i bukini kakukureian nanona, Ma te b'aa b'a e na kabira ubuna iai ni kamaraberabea, Ma te am'arake b'a e aonga ni marurung iai.

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

M'akuri 9:19

ao e a manga oki marurungina ngke e a tia n am'arake. Ao e tiku Tauro i Tamateko i rarikiia reirei tabeua te bong.

Tani Motiki-taeka 19:4

ao e tangiria b'a a na tiku irouia. Ma ngaia are, e tiku teuarei i nanon 3 te bong, n momooi ma n am'am'arake ma taman buuna.

Tani Motiki-taeka 19:8

N te kanimaua ni bong, ao e a manga kautim'aaka te m'aane arei n te karangaina b'a e nangi nako, ma e a manga taku riki taman buuna nakoina, “Taiaoka ma am'arake riki teutana. Ko a kamaraua riki taai.” Ma ngaia are, a manga am'arake riki m'aane akekei.

1.Tamuera 30:12

ao tabeua taiani kam'au ni biiku ao uoua te amwi n kureebe ae e m'au. Ao ngke e a tia n am'arake, e a manga oki korakorana; e aki roko n te am'arake ke ni mooi i nanon tenua te bong ae e b'anin.