Tani Motiki-taeka 19:4 - Te B'aib'ara

⁴ ao e tangiria b'a a na tiku irouia. Ma ngaia are, e tiku teuarei i nanon 3 te bong, n momooi ma n am'am'arake ma taman buuna.

Tani Motiki-taeka 19:4 ပူးပေါင်းရင်းမြစ်များ

Karikani B'aai 24:55

Ma a taku m'anen Nei Rebeka ma tinana, “Taiaoka ma e na tiku riki teutana neiei i rarikira i nanon teuana te wiiki, ke tebwina te bong, ao i mwiina, kam a airi nako naba ma ngaia.”

Karikani B'aai 25:6

Ma ngke e boni maiu, ao e anga naba taiani b'ai n tangira nakoia natina mm'aane ma buuna ni kewe ake tabeman. Ao e kanakoia natina mm'aane aikai nakon aaba ake i mainiku, ni kararoaia ma natina te mm'aane are Itaaka.

Tani Motiki-taeka 19:3

ao e kataia buun neierei n taetae ma ngaia b'a e na okirikaaki. Ma ngaia are, e nako Betereem teuarei ngaia ma ana toro ao uoman ana aati. E taetae ma buuna teuarei, ao neierei e wetea teuarei nakon aia auti ana utu. Ao e rangi ni kukurei taman neierei n nooria,

Tani Motiki-taeka 19:5

Ao ngke a bane n uti aomata n te kaa aua ni bong, ao e a katauraoia kanoan Rewi arei n okira mwengana. Ma e taku taman buuna nakoina, “Ko na aki nako ni karokoa ko tia n am'arake. Ko bon riai n am'arake n karekea korakoram i m'aain te m'ananga.”