Tani Motiki-taeka 19:3 - Te B'aib'ara

³ ao e kataia buun neierei n taetae ma ngaia b'a e na okirikaaki. Ma ngaia are, e nako Betereem teuarei ngaia ma ana toro ao uoman ana aati. E taetae ma buuna teuarei, ao neierei e wetea teuarei nakon aia auti ana utu. Ao e rangi ni kukurei taman neierei n nooria,

Tani Motiki-taeka 19:3 ပူးပေါင်းရင်းမြစ်များ

Karikani B'aai 34:3

Ma e noora neierei b'a e bon rangi n tikiraoi, ngaia are, e a tangiria, ao e a kakab'aka nanona.

Karikani B'aai 50:21

Bon akea te b'ai ae kam na maakua. N na kaawakiningkami ma ami ataei.” Ma ngaia are, e anganiia taeka ni karaunano aika a roota nanoia.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Otea 2:14

Iteraera, bon te UEA Ngai, N na kam'aneingkami nakon te rereua ma n taetae ni kamaraurau nakoim.

Otea 2:16

I berita b'a man te tai anne, ko na aranai b'a buum n onea mwiin te toka.

Nakoaia Ibonga 19:17

Tai tab'ara ni karaoa te kaetieti ae bon riai. E ngae n anne, ao e bure ngkana e aki kaetaki te aomata ane e bon tangira kaetana.

Nakoaia Ibonga 20:10

Ngkana iai te m'aane ae e wenenibure ma te aine temanna, a na uaia ni kamateaki ni kauoman.

Warekaia Iteraera 22:22

Ao e tokara ana aati B'araam ni m'ananga nako Moaba, ao a iria ana toro ake uoman. Ao E un te UEA ngke e nako B'araam ma ngaia are, e a tei temanna Ana anera te UEA i m'aain te kawai b'a e na tuuka B'araam.

Mataio 1:19

Ao Ioteb'a are buuna, ngkai te aomata ae nanoanga, ao e aki kani kamamaaea Nei Maria i mataia aomata, e reke ana iango b'a e na kab'ara aia kabae ni karaba taekana.

Ioane 8:11

Ao e taku neierei, “Te Uea, akea.” E taku ngkanne Iesu nakoina, “Ao Ngai I aki motika naba taekam; ko na nako, ao tai manga bure.”

I-Karatia 6:1

Taari, ngkana e bure te aomata temanna, ao ngkami akana kam kairaki iroun te Tamnei, kam na manga kaetia n te nano ae nimamanei; ma ko na tarataraiko, b'a ko kaawa ni manga kaririaki naba ngkoe.

Tani Motiki-taeka 15:1

Ao rimwi riki, i nanon tain taian te uita, ao e a manga nako naba Tamton ni kawara te aine are buuna. Ao e uota te kooti te ataei b'a ana b'aintangira, ao e taku nakon taman neierei, I tangiria ni kan rin n ana runimatu buu. Ao e taku taman neirei, Ko na aki riai ni karaoa anne.

Tani Motiki-taeka 19:2

ma e aki raoiroi aron te aine arei, ma ngaia are, e a nako neierei n okira mwengaia ana utu i Betereem. I mwiin aua te nam'akaina

Tani Motiki-taeka 19:26

Ao e a bon kani ngaina ngke e okira te auti are tiku iai buuna neierei. E b'aka i matan te mataroa ao e wene ikekei ni karokoa otin taai.

Tani Motiki-taeka 19:4

ao e tangiria b'a a na tiku irouia. Ma ngaia are, e tiku teuarei i nanon 3 te bong, n momooi ma n am'am'arake ma taman buuna.