Tani Motiki-taeka 18:8 - Te B'aib'ara

⁸ Ao a manga oki m'aane akekei nako Tora ao Etitaora, ike a manga titirakinaki irouia aia koraki ni kaangai, E a reke te aba?

Tani Motiki-taeka 18:8 ပူးပေါင်းရင်းမြစ်များ

Iotua 15:33

Te kauoua ni m'akoro are a anganaki naba utuun te baronga are Iuta b'a abaia, ake kaawa ake n taabo ake a rinano; Etitaora, Tora, Atina,

Tani Motiki-taeka 13:2

E maeka Manoa n te kaawa are Tora. E kanoabo buuna,

Tani Motiki-taeka 16:31

Ao a m'ananga tarina nako ma ana utu nako Kaata ao a anaa rab'atana nakoni mwengana, ao a taunna n ana ruanimate tamana are te b'angani matang are e mena i marenan Tora ma Etitaora. Bon te tia kairiiri Tamton i aon Iteraera i nanon 20 te ririki.

Tani Motiki-taeka 18:11

A kabaei ni kamatoai aia b'ai ni buaka m'aanen te baronga are Taan aika 600 m'aitiia ao a kiitana Tora ma Etitaora ma aia utu.

Tani Motiki-taeka 18:2

A rinei niiman taani buaka b'a taan tei i bukin aia kaainga kaain te baronga are Taan, ao a tuangiia ni kaangai, Kam na nako ni kakaaea abara ae ti na kona ni maeka iai. Ao a kiitana aonon Tora ma Etitaora taani buaka akekei, ao a nakon aaba ake a tabukibuki ake i Eberaim. Ao a tiku n ana auti Mika n te tairiki teuana,

Tani Motiki-taeka 18:7

Ao a nako m'aane akekei nakon te kaawa are Raiti, ake a roko kaaina mai Titon, ma a aki kona ni kamanoaki mai Titon b'a e rangi n raroa nako. E ngae ngke akea oon aia kaawa ao a bon taku naba kaaina b'a a rangi ni mano man taiani buaka. Ma ngaia are, a aki manga bubutiia te aomata temanna buokaia, are nanona b'a e na rangi ni beebete iroun te baronga are Taan ngkana e buakana Raiti.

Tani Motiki-taeka 18:9

Ao a taku m'aane ake niman akekei, Ti a tia n noora te aba ae rangi n tamaroa ao e rangi n tau buburana i bukira. Ao iai b'aai aika ti rangi ni kainanoi. Tera ae ti na taningaia? Ti na riai ni buaka ma n taua b'a abara. Ane kam na nooria b'a a taku kaaina b'a a rangi ni mano, ma E a tia te UEA n anganiira b'a abara.