Tani Motiki-taeka 18:7 - Te B'aib'ara

⁷ Ao a nako m'aane akekei nakon te kaawa are Raiti, ake a roko kaaina mai Titon, ma a aki kona ni kamanoaki mai Titon b'a e rangi n raroa nako. E ngae ngke akea oon aia kaawa ao a bon taku naba kaaina b'a a rangi ni mano man taiani buaka. Ma ngaia are, a aki manga bubutiia te aomata temanna buokaia, are nanona b'a e na rangi ni beebete iroun te baronga are Taan ngkana e buakana Raiti.

Tani Motiki-taeka 18:7 ပူးပေါင်းရင်းမြစ်များ

1.Uea 1:6

Ma ngaia are, e a karekei ana kaanibuaka ma ana aoti, ao e kabooia nimangaun te m'aane b'a taani kaawakinna. Ao e aki kan takuia Tawita n ana waaki arei. Ma ngaia are, e aki roko n te taetae nakon Atoniia n te b'ai are e karaoia.

1.Uea 16:31

Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

1.Rongorongo 4:40

ao a kunei iai taabo n uteute aika a tamaroa aika a m'aiti aika taabo aika a rau ae a kamwengaraoi. E boni b'ainaki ngkoa te tabo aio mai i m'aaina irouia kaain Am,

Ieremia 49:31

Bon akea oon ami kaawa aika a buubura ao bon akea kaain rarikimi aika a na konaa ni buokingkami, ao ae kam bon iangoia naba b'a kam mano ma ngaia ae, I tuangnga b'a e na buaka.

I-Rom 13:3

B'a a aki riai ni makaki taan tautaeka irouia aomata aika kakaraoa ae e raoiroi, ma a riai ni makaki irouia aika kakaraoa ae buakaka. Ko kan aki maka te tia tautaeka? Karaoa ae e raoiroi, ao ane ko na kamoamoaki iai i rouna.

Iotua 19:47

Ngke e anaaki abaia te baronga are Taan mai rouia ao a kitana abaia anne i bukina ngke a aki kona n totokoia aiaia ake a kan taua naba te aba arei, ma ngaia are a teirake n nako te baronga aei, ao a manga buakana te kaawa are Raiti. A taua te kaawa anne ao a tiringiia aomatana, ao a anaia b'a abaia. A tekateka iai ao a onika aran te tabo anne are Raiti nakon Taan, are bon ingoan aia bakatibu.

1.Betero 2:14

ke nakoia akana iai nakoaia ni kairiri n te tautaeka, aika a kanakoaki iroun te king b'a a na kareke kaiia akana kakaraoa ae buakaka, ao a na kamoamoaia akana karaoa ae e raoiroi.

Te Kaotioti 18:7

Kam na kabatia marakina ma nanokawakina n ai aroni m'aitini kainikatongana ma arona ni maiu ni kaub'ai. B'a e kaangai i nanona B'aburon: ‘Bon te uea ae te aine ngai, ae I tekateka!; Ao tiaki te aine ae e mate buna ngai, ma ngaia ae N na bon aki kona n nanokawaki!’

Tani Motiki-taeka 18:29

Ma a arana te kaawa arei b'a Taan, are bon natin Iteraera temanna are bon aia bakatibu n aia baronga.

Tani Motiki-taeka 18:6

Ao e taku te ibonga arei, Kam na aki raraoma, E kukurei te UEA n te b'ai ae kam waakinna.

Tani Motiki-taeka 18:8

Ao a manga oki m'aane akekei nako Tora ao Etitaora, ike a manga titirakinaki irouia aia koraki ni kaangai, E a reke te aba?

1.Tamuera 3:13

E bon ataia b'a a rawa natina m'aane n karineai, ao e bon katikuia n aroia arei, e ngae ngke I a tia n taekinna b'a N na katuaaia ma ana utu n taai nako.