Tani Motiki-taeka 18:5 - Te B'aib'ara

⁵ Ao a taku m'aane akekei nakoina, Taiaoka, ma ko na taetae nakon te Atua i bukira. Titirakina te Atua b'a e na koro bukin te b'ai ae ti waakinna ke na aki?

Tani Motiki-taeka 18:5 ပူးပေါင်းရင်းမြစ်များ

1.Uea 22:5

Ma ti na riai moa n titirakina te UEA nanona.”

2.Uea 16:15

Ao e taku nakon Uria are te ibonga: Ni moa man te tai aei, ao e nang kakaraoaki taian angakarea ake n te ingabong ma te tairiki, ao ai arona naba ma b'aintangira ake taiani uita ao taiani wain, i aon te baonikarea aei. E na karaoaki naba ikai taian angakarea i bukiia aomata ao te uea. Katimtim'a raraan taiani karea ni kabane i aon te baonikarea aei, ao katuka te baonikarea are te buraati nako iu b'a N na kamanenaa i bukin kakaaean nanon te UEA b'a tera ae e tangiria b'a N na karaoia.

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Etekiera 21:21

Ngkana e tei uean B'aburon n te kaetieti, ao e na rineia b'a e nga ae e na nako iai ngkana e ioioa te kainikoto, titirakiniia antina, ao ngkana e karaua n taraa marakin nuukan te man are e kareanaki.

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

M'akuri 8:10

ao a bane n ongo i rouna aomata nako, ake a mangori ma ake a kakannato. A taku, “Boni m'aakan te Atua teuaei are aranaki b'a te ‘M'aaka ae Korakora.’ ”

Tani Motiki-taeka 17:13

Ao e taku Mika, E a reke au ibonga ae kaain te baronga are Rewi. I ataia ngkai b'a E nang bon akoai te UEA.

Tani Motiki-taeka 17:5

E a reke ana baangota ni mwengana ike e na taromauria iai te Atua, ao e karaoi taian bouananti tabeua ao te ebota. Ao e rinea temanna natina te m'aane Mika b'a te ibonga i bukin ana baangota.

Tani Motiki-taeka 18:14

ao a titiraki nakoia taani buaka m'aane ake niiman ake a m'ananga ngkoa n tutuo ni karaba ni kaangai, Kam ataia ae iai n te kaawa aei te aomata ae iai ana bouananti tabeua, ao ana ebota ni ibonga? Tera ami iango i rouna?

Tani Motiki-taeka 18:4

Ao e taku rorobuakan te baronga are Rewi, E kabooai Mika b'a N na riki b'a ana ibonga. Ao i mwiina, e a kaongoia aron akoana iroun Mika.

Tani Motiki-taeka 18:6

Ao e taku te ibonga arei, Kam na aki raraoma, E kukurei te UEA n te b'ai ae kam waakinna.

1.Tamuera 9:9

Ao e kaeka Tauro, “E nang tamaroa! Ti a nako n noora te aomata ae kakaoti nako ina te kaotioti!”