Tani Motiki-taeka 18:2 - Te B'aib'ara

² A rinei niiman taani buaka b'a taan tei i bukin aia kaainga kaain te baronga are Taan, ao a tuangiia ni kaangai, Kam na nako ni kakaaea abara ae ti na kona ni maeka iai. Ao a kiitana aonon Tora ma Etitaora taani buaka akekei, ao a nakon aaba ake a tabukibuki ake i Eberaim. Ao a tiku n ana auti Mika n te tairiki teuana,

Tani Motiki-taeka 18:2 ပူးပေါင်းရင်းမြစ်များ

Karikani B'aai 42:9

Ao e uringa miina ake e mii ngkoa, ao e taku nakoia, “Bon taan tutuo ni karaba ngkami; kam roko ngkai b'a kam na tuoa abau ni kakaea mamaarana.”

Taeka n Rabakau 20:18

Kakoaua raoi b'a e a reke iroum te taeka n reirei ae e raoiroi i m'aain karaoan am babaaire ke i m'aain waakinan am buaka.

Warekaia Iteraera 13:17

Ao e taku Moote nakoia i m'aain kanakoaia nako Kanaan: Ngkana kam a tia n ri nanon Rereuan Kanaan are i maiaki, ao kam na reita nako kawaimi nako iang ni karokoa kam roko n aaba ake a tabukibuki,

Ruka 14:31

Ao ai antai te uea, ae tebwina tengaa m'aitin ana aomata, ae e na aki tekateka moa n iango i m'ain ae nako ni buakana te uea temanna, b'a tao e na kona aona, ngkana e roko teuarei ma raona aika uabwi tengaa ni buakaniia?

Iotua 15:33

Te kauoua ni m'akoro are a anganaki naba utuun te baronga are Iuta b'a abaia, ake kaawa ake n taabo ake a rinano; Etitaora, Tora, Atina,

Iotua 19:41

Aikai aaba ake a reke i nanon abaia te baronga are Taan; Tora, Etitaora, Ira-temeti,

Iotua 2:1

Ao Iotua e kanakoia uoman ana tib'aai ngke a kaemb'a i Titim, b'a a na tib'aaiakina aon Kanaan, ma e a moamoa riki te kaawa ae Ieriko. Ngke a roko n te kaawa, ao a nako ni kangainaa n ana auti ainen mataawa ae arana Nei Raaba.

Iotua 2:2

E ongo uean Ieriko b'a iai uoman aomatan Iteraera aika a roko e bong b'a a na tib'aaiakina abaia,

Tani Motiki-taeka 13:2

E maeka Manoa n te kaawa are Tora. E kanoabo buuna,

Tani Motiki-taeka 13:25

Ao ngke e mena Tamton n ana kaemb'a Taan are i marenan te kaawa are Tora ma Etitaora, ao e niniaki n Tamnein te UEA.

Tani Motiki-taeka 16:31

Ao a m'ananga tarina nako ma ana utu nako Kaata ao a anaa rab'atana nakoni mwengana, ao a taunna n ana ruanimate tamana are te b'angani matang are e mena i marenan Tora ma Etitaora. Bon te tia kairiiri Tamton i aon Iteraera i nanon 20 te ririki.

Tani Motiki-taeka 17:1

Ao Mika are kaain te baronga are Eberaim ake a maeka n aaba ake a tabukibuki.

Tani Motiki-taeka 18:11

A kabaei ni kamatoai aia b'ai ni buaka m'aanen te baronga are Taan aika 600 m'aitiia ao a kiitana Tora ma Etitaora ma aia utu.

Tani Motiki-taeka 18:13

Ao i mwiina, a nakon te aba are tabukibuki i Eberaim. Ao ngke a tabe ni kaaniia ana auti Mika,

Tani Motiki-taeka 18:3

b'a a ongo b'anaan rorobuakan te baronga are Rewi ngke e taetae, ao a kinaa man ana ee b'a bon kaain maiaki. Ao a titirakinna ao a taku, “Tera ae ko karaoia ikai? Ao antai ae karokoko ikai?”

Tani Motiki-taeka 18:8

Ao a manga oki m'aane akekei nako Tora ao Etitaora, ike a manga titirakinaki irouia aia koraki ni kaangai, E a reke te aba?

Tani Motiki-taeka 19:1

I m'aain tautaekanakin Iteraera irouia uea, ao kanoan Rewi temanna i nuukan aaba ake a tabukibuki are abaia kaain te baronga are Eberaim. E iein ma ainen Betereem i Iuta,

Tani Motiki-taeka 19:18

Ao e taku kanoan Rewi arei, “Ti roko mai Betereem i Iuta, b'a ti kawariia ara koraki ikekei. Ao ngkai, ti na nakon te tabo are E tataromauriaki iai te UEA, ao i mwiina ti na manga oki nako abara are n aaba ake a tabukibuki i Eberaim. Ma bon akea ae e butim'aira b'a ti na tiku n aia auti ni karokoa te ngaina.