Tani Motiki-taeka 17:5 - Te B'aib'ara

⁵ E a reke ana baangota ni mwengana ike e na taromauria iai te Atua, ao e karaoi taian bouananti tabeua ao te ebota. Ao e rinea temanna natina te m'aane Mika b'a te ibonga i bukin ana baangota.

Tani Motiki-taeka 17:5 ပူးပေါင်းရင်းမြစ်များ

Karikani B'aai 31:19

Ao e roko Nei Rakera i mwiin Raab'an ngke e nako ni koroburaei ana tiibu, ao e iraei bouan antin te utu are ana b'ai tamana.

Karikani B'aai 31:30

I ataia b'a ko a nako b'a ko a rangi ni kan nakon am auti, ma e aera ngkai ko iraei bouan antin te utu?”

1.Uea 12:31

Ao e karaoi taabo n taromauri aika a uarereke n taian baangota. Ieroboam, ao e rineia m'aane aika akea rekerekeia ma te baronga are Rewi b'a a na m'akuri b'a ibonga.

1.Uea 12:32

Ao e manga iangoa naba te bong n toa ae e boou i bukiia Iteraera n te bong ae tebwi ma nimaua bongin te kawanua n nam'akaina, kaanga aron are e kakaraoaki i Iuta. Ao n te bong anne, e nako iai Ieroboam nako Betaera ao e anga iai ana karea iai i aon te baonikarea nakon te kaoteteei are te koora are e a tia ni katikua ikekei. Ao i mwiina, e a anganiia ibonga tib'angaia nako.

Etira 1:7

Ao Tairati are te uea e a kaoki taian b'ai ake e anai ngkoa Nebukaneta man te Tembora i Ierutarem ake e katikui ngkoa i nanon aia tembora antina.

Te Otinako 24:5

E bon kanakoia naba tabeman rorobuaka b'a a na kabuoka te angab'ai ao te karea are te kaomm'aane b'a te raka n angab'ai nakon te UEA.

Te Otinako 28:15

Karaoa naba te ub'a i bukiia ibonga aika a rietaata man te b'ai are e bobuaka anne. Anne te ub'a are a na kamanenaa i bukin kakaean nanou b'a tera ae I tangiria are a na karaoia au aomata.

Te Otinako 28:4

Aikai b'aai aika kainanoaki b'a a na karaoaki: te ub'a, te raburabu i bukin te ibonga, te niiniira, ae te kabaraaki ae katamaroaaki n te karai, te m'aita, ao te kabae n nuuka. E riai ni karaoaki te kunnikai ae e tabu aei i bukin Aaron ma natina mm'aane ake a na riki b'a taian ibonga.

Te Otinako 29:9

ao b'araia ao aia kabae n nuuka, ao i mwiina, kam na katabuia, i bukina b'a ana teimatoa n riki aia kariki b'a ibonga.

Itaia 44:13

Taani m'akuri n te kai tabem'aang a baairei taiani m'akoro ni kai, ao i mwiina, a korea aia m'aake i aona. Ao e a kenaki te kai ma te karaurau nakon tamneina ni koaua. Ao ngke e a tia ao e a riki b'a kaanga taraan te aomata ao e a karinaki i nanon te Tembora.

Etekiera 21:21

Ngkana e tei uean B'aburon n te kaetieti, ao e na rineia b'a e nga ae e na nako iai ngkana e ioioa te kainikoto, titirakiniia antina, ao ngkana e karaua n taraa marakin nuukan te man are e kareanaki.

Etekiera 21:26

Boni Ngai ae te UEA ae te Atua ae I tuangkami b'a kam na kanakoi m'aita ni uea ma ami baunuea, b'a a na bane ni bitaki b'aai ni kabane. A na manga mwiokoaki koraki ake akea m'aakaia ngkoa, ao ake a tautaeka ngkai a na manga riki n akea aroia.

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Otea 8:14

Iteraera, I karikingkami, ma kam m'aninga taekau. Ko karaoi taian bareti ngkoe ma Iuta ao kaawa aika a matoatoa. Ao ngkai N na kanakoa te ai b'a e na urua ami kaawa nako ma taian nono.

Warekaia Iteraera 3:10

aomata ake a tia n rineaki b'a ibonga. Ngkana iai ane kataia ni karaoa aia m'akuri ibonga, ao e na tiringaki.

Ebera 5:4

Ao akea temanna ae anaa te karineaki aei b'a karineana, ae te nakoa n ibonga ae kakannato, ma ti ngkana e weteaki nako iai iroun te Atua, n ai aron Aaron.

Tani Motiki-taeka 18:14

ao a titiraki nakoia taani buaka m'aane ake niiman ake a m'ananga ngkoa n tutuo ni karaba ni kaangai, Kam ataia ae iai n te kaawa aei te aomata ae iai ana bouananti tabeua, ao ana ebota ni ibonga? Tera ami iango i rouna?

Tani Motiki-taeka 18:24

Ao e taku Mika, Kam bon ataa te b'ai ae riki. Kam iraei atuara ake I karaoi, ao kam uotaanako au ibonga. Ao bon akea nikiran au b'ai iroumi.

Tani Motiki-taeka 18:30

E ngae ngke Titon te tabo n taromauri, ma a katei ana bouananti Mika ake karaoi kaain Taan. Ao a taromauria te bouananti, ao aia ibonga boni kanoan Rewi, are arana Ionatan, ao bon kanoan Kerition ngaia are natin Moote te m'aane. A m'akuri kanoana b'a ibongan te baronga are Taan, ni karokoa te tai are a uotaki nako iai Iteraera b'a taian taenikai.

Tani Motiki-taeka 8:27

Ao e okira mwengana Kiteon i Obera ao e karaoa te bouananti man te koora, are a manga waakina taromauriana Iteraera. Ao e riki b'a te b'ai ni kam'ane nakon Kiteon ma ana utu n taromauria te bouananti. A bon tia n rangi ni konaaki buaka kaain Miiria n te aro are a bon aki manga reke korakoraia ni buakaniia Iteraera. Ma ngaia are, a tiku n rau Iteraera i nanon 40 te ririki i nanon ana tai ni maiu Kiteon.

1.Tamuera 19:13

Ao neierei, e anaa bouanantin te utu, e kawenea i aon te kainiwene, ao e kaaki atuuna i aon te uninga ae e karaoaki ni buraen te kooti, ao e rabunna.

1.Tamuera 23:6

Ao ngke e biri nako ngkoa Abiata are natin Aimereka te rorobuaka n raona Tawita i Keira, e uota nako te ebota.