Tani Motiki-taeka 17:3 - Te B'aib'ara

^3-4 Ao e kaoki taian tirewa Mika nakon tinana, ao e taku tinana, N na anga taian tirewa aikai nakon te UEA b'a e aonga ni kamanena natiu ni karaoa te bouananti mai iai. Ao e rairaki neierei nakon natina ao e taku, Mika, anai tirewa aikai b'a am b'ai. Ma e a manga kaokia Mika nakon tinana. Ao neierei, e anai 200 m'akoro n tirewa ao e angan te tia m'akuri n te tirewa, are e a manga karaoi b'a te bouananti. Ao a kaawakina te bouananti n ana auti Mika.

Tani Motiki-taeka 17:3 ပူးပေါင်းရင်းမြစ်များ

2.Rongorongo 33:7

e kakawaria taan kaiwa i bukin buokana ao e anga natina te m'aane b'a a na karea n te M'arua are Innom. E bon karaoi naba taiani bure aika a rangi ni buakaka ake tabeua ao e rangi ni kauna te UEA. N ririki aika a nako, e a tia n tuanga Tawita ma Toromon te UEA: Ierutarem bon te tabo are I tangiria nakon taabo ni kabane i aon Iteraera. Bon au b'ai, ao n na taromauriaki i nanon te Tembora n aki toki.

Te Otinako 20:23

Kam na aki karaoa atuami man te tirewa, ke te koora, b'a kam na manga taromauriia i rarikiu.

Te Otinako 20:4

“Tai karaoi ami bouannanti aika katotongan b'aini karawa, ke b'ain aonteaba, ke b'ain marawa are i aan te aba.

Te Otinako 34:17

Kam na aki karaoi bannan antiia man taian biti.

Itaia 30:22

Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Itaia 66:3

Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

Ieremia 10:8

Bon akea manenan taiani bouannanti, ao bon taian nanobaba aomata akana a taromauriia!

Nakoaia Ibonga 19:4

ao tai karaoi bouannanti ke katotoongan te b'ai teuana. Bon te UEA Ngai ae Atuami.

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

Te Tua-Kaua 12:3

Kam na urui aia baonikarea, aia nikawewe, ao kabuoki aia baangota ake a kabonganaaki i bukin taromaurian te anti te aine are Nei Aatera, ao urui aia bouananti. Urui aia tabo n taromauri ni kamaunanakoi b'a a aonga ni m'anuokinaki taekaia.

Tani Motiki-taeka 17:13

Ao e taku Mika, E a reke au ibonga ae kaain te baronga are Rewi. I ataia ngkai b'a E nang bon akoai te UEA.

Tani Motiki-taeka 17:2

E tuanga tinana ni kaangai n te tai teuana, “Ko uring taian m'akoro n tirewa ake 11,000 ake a kimoaaki mai roum? I boni mena ikekei ngke ko kamaraia are e kimoai. Ao boni ngai are I kimoaia.” I tataro b'a, “E na kakab'aiako te UEA natiu.”

Tani Motiki-taeka 18:30

E ngae ngke Titon te tabo n taromauri, ma a katei ana bouananti Mika ake karaoi kaain Taan. Ao a taromauria te bouananti, ao aia ibonga boni kanoan Rewi, are arana Ionatan, ao bon kanoan Kerition ngaia are natin Moote te m'aane. A m'akuri kanoana b'a ibongan te baronga are Taan, ni karokoa te tai are a uotaki nako iai Iteraera b'a taian taenikai.

Tani Motiki-taeka 18:5

Ao a taku m'aane akekei nakoina, Taiaoka, ma ko na taetae nakon te Atua i bukira. Titirakina te Atua b'a e na koro bukin te b'ai ae ti waakinna ke na aki?