Tani Motiki-taeka 17:2 - Te B'aib'ara

² E tuanga tinana ni kaangai n te tai teuana, “Ko uring taian m'akoro n tirewa ake 11,000 ake a kimoaaki mai roum? I boni mena ikekei ngke ko kamaraia are e kimoai. Ao boni ngai are I kimoaia.” I tataro b'a, “E na kakab'aiako te UEA natiu.”

Tani Motiki-taeka 17:2 ပူးပေါင်းရင်းမြစ်များ

Karikani B'aai 14:19

E kakab'aiaa Aberam Merekitereka ao e taku, “Ke e kakab'aiaa Aberam te Atua ae Moan te Rietaata are karaoa karawa ma aonnaba!

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Taian Areru 10:3

E kainikatonga te aomata ae buakaka n ana iango aika bubuaka; Ao te aomata ae kani b'aib'ai e karereantia te Atua.

Te Otinako 20:7

“Kam na tai kabongana arau i bukin m'akuri aika buakaka, b'a bon te UEA Ngai ae Atuami ae katuaaia akana a aki kabongana arau n te aro ae eti. Bon te UEA Ngai ae Atuami, ao N na bon katuaaea ane e kamanenaa arau n aki akaaka.

Taeka n Rabakau 28:24

Ngkana ko aonikaia am karo ma n aki tabeakina am kaairua, ao bon te kimoatoo ngkoe.

Ieremia 48:10

I tangiria n tiringiia kaain Moaba, ao ngkana kam kabiri nako ia, N na bon kamaraiaingkami.”

Mataio 26:74

Ao e tabeki taeka ni karereanti bon i bukina ma n tuea, ao e taku, “I aki kinaa te aomata anne!” Ao e a tangi naba te moa,

I-Rom 9:3

Ao e bia reke kaiu, ma ni karaureaki ma Kristo i bukiia tariu ake au bu n te katei n aomata;

1.I-Korinto 16:22

Ngkana arona b'a iai ane aki tangira te UEA, ao ke e reke kaina. M'arana ta!

2.Ioane 1:11

Ane kamauria ao e buokanib'ai ma ngaia n ana m'akuri aika bubuaka.

Tani Motiki-taeka 17:1

Ao Mika are kaain te baronga are Eberaim ake a maeka n aaba ake a tabukibuki.

Tani Motiki-taeka 17:3

Ao e kaoki taian tirewa Mika nakon tinana, ao e taku tinana, N na anga taian tirewa aikai nakon te UEA b'a e aonga ni kamanena natiu ni karaoa te bouananti mai iai. Ao e rairaki neierei nakon natina ao e taku, Mika, anai tirewa aikai b'a am b'ai. Ma e a manga kaokia Mika nakon tinana. Ao neierei, e anai 200 m'akoro n tirewa ao e angan te tia m'akuri n te tirewa, are e a manga karaoi b'a te bouananti. Ao a kaawakina te bouananti n ana auti Mika.

Tani Motiki-taeka 5:23

Ao E taku Ana anera te UEA, “Ko na karokoa te maraia i aon te Kaawa are Meroti a rawa kaaina ni buoka te UEA ni buakaniia Ana kairiribai aika korakora.”

Ruuta 3:10

Ao e taku teuarei, “E na kakab'aiako te Atua, b'a ko kaota te ataataiaomata ae e m'aiti riki ni baika ko karaoi ngkai nakon are rimoa, nakon tinan buum. Ko na riai n tia ni kakaea te rorobuaka n ataei, tao te kaub'ai, ke tao te aki kaub'ai, ma ko aki karaoa anne.

1.Tamuera 14:28

Ao e taku te tautia nako ina, “E taku tamam b'a e na maraia ane am'arake n te bong aei, ao ti bane ni kariaia anne. Ao bon anne bukina ngkai akea angin nanora.”

1.Tamuera 15:13

Ao e reke Tauro iroun Tamuera, ao e taku Tauro nako ina, “Bon au kantaninga b'a E na kakab'aiako te UEA! I a tia ni karaoa te b'ai are tuangai te UEA.”

1.Tamuera 23:21

Ao e kaeka Tauro ni kaangai, “E na kakab'aiaingkami ngkai kam rangi karaoa ae e raoiroi nako iu!

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.