Tani Motiki-taeka 16:2 - Te B'aib'ara

² Ao a ataia kaain te kaawa arei b'a e mena ikekei, ao a iangoa tiringana i m'aain te ngaina. Ma ngaia are, a nako n torokaranna n taian auti ni uaatiman ake ni iteran te mataroa ake uoua n tataninga okina.

Tani Motiki-taeka 16:2 ပူးပေါင်းရင်းမြစ်များ

Mataio 21:38

Ma ngke a nora natina taan tararua te onaroka, ao a taku i rouia, “Ngaia aei te tia b'aib'ai i mwin tamana; nako mai b'a ti na kamatea, ao ti na b'ain ana b'ai.”

Mataio 27:1

Ngke e a tib'a ingabong, ao ibonga ake mataniwi ma aia unimm'aane aomata a iangoa aron Iesu b'a a na kamatea.

Ruka 21:20

Ma ngaia ae ngkana kam nora Ierutarem b'a e otab'aniniaki irouia taanga ni buaka, ao kam na ataia ngkanne b'a e a kaan uruana.

M'akuri 23:15

Ma ngaia aei, kam na kanakoa ngkai ami taeka ma kaain te Tanirim nakon aia mataniwi tautia, b'a e aonga ni kaira rio B'auro nakoimi, b'a aongkoa kam kan ri nanoa riki taekana n te aro ae eti; ao ngaira ti na tauraoi ni kamatea i m'ain rokona ni kaaningkami.”

M'akuri 9:24

ma e kuneaki aia iango ni kan tiritiri iroun Tauro. A taratarai mataroa nako ake mataroa n rin n te nono, n te ngaina ao n te bong, b'a a na kamatea.

Tani Motiki-taeka 15:18

Ao e rangi n taka Tamton ao e tataro, Ara UEA, Ko buokai ni katokanikaiai n te buaka i aon te taanga ni buaka ae b'anin. Ao I butiiko b'a Ko na aki tiringai n te taka n te tai aei. B'a ae a na uotaanako rab'atau kaain Biritia aika buakaka aikai.

Tani Motiki-taeka 16:3

Ma e uti Tamton ngke nukanibong ao e nakon mataroan te kaawa, ao e kouti taiani mataroa ma taiani boua ake a nim iai ma te o, ao e katokai i aon angana. Ao e a uoti nako nakon te tabuki teuana ae kaaitaraa Eberon, ao e katei taiani mataroa akekei n aroia are a bono ma n rokanaki.

1.Tamuera 19:11

N te tairiki naba arei ao e kanakoia rorobuaka tabeman Tauro b'a a na tarataraa ana auti Tawita ao n tiringnga n te moaningabong. Ao e kauringa Tawita Nei Mikara ao e kaangai, “Ngkana ko aki biri nako n tairiki, ao ko na tiringaki nakon te moaningabong!”

1.Tamuera 23:26

Ao a mena Tauro ma ana rorobuaka n iteran te tabuki are teuana, ao Tawita ma ana rorobuaka n iterana are teuana. A kawaekoaia ni biri nako mairoun Tauro Tawita ma ana rorobuaka, ake a bon rangi ni kaan i rarikiia ao a kaan reke irouia.