Tani Motiki-taeka 14:9 - Te B'aib'ara

⁹ Ao e anaa teutana ana karewe te manibeeru i baina, ao e kanna i aoni kawaina. Ao ngke e roko irouia ana karo, ao e anganiia teutana ao a kanna. Ma e aki tuangiia ae e kunea ana karewe te manibeeru n riinikaokaon te raian.

Tani Motiki-taeka 14:9 ပူးပေါင်းရင်းမြစ်များ

Taeka n Rabakau 24:13

E raoiroi ana karewe te manibeeru i bukimi natiu, ao e karewerewe.

Taeka n Rabakau 25:15

E konaa n anaaki nanon te tia tautaeka ao ni katoka te kangaanga te taeka ae e taotaonaki n nano man tamaroa.

Tani Motiki-taeka 14:10

Ao ngke a manga nako taman Tamton ni kawara ana utu ana kabae Tamton, ao e karaoa ana bootaki ni kukurei ae buubura Tamton, n aron are e tataneiai ni kakaraoia.

Tani Motiki-taeka 14:8

Ao rimwi riki, ao e a manga oki nako Timna Tamton i bukin te mare. Ao e a roko n te tabo are e tiringa iai te raian, ao e kitana te kawai b'a e na noora rab'atan te raian, ao e mimi ngke a noori taian manibeeru aika katea ngaoia n riinikaokaon te raian, ao a karaoa aia karewe iai.

1.Tamuera 10:16

Ao e taku Tauro, “E tuangiira b'a a tia n reke taian aati.” Ma e aki taekinna Tauro ae e a tia Tamuera n rineia b'a te uea.

1.Tamuera 14:1

N te bong teuana ao e taetae Ionatan nakon te teinim'aane are uouota ana b'ai ni buaka, “Ti na nako n aia kaemb'a I-Biritia.” Ma e bon aki tuanga tamana Ionatan are Tauro,