Tani Motiki-taeka 14:6 - Te B'aib'ara

⁶ Ma E ninia Tamton Tamnein te UEA, ao e raeua m'angain te raian Tamton ni baina, kaanga ai aron tiringan te kooti ae uarereke. Ao a aki ataia ana karo te b'ai are karaoia, ao ngaia e aki tuangiia naba.

Tani Motiki-taeka 14:6 ပူးပေါင်းရင်းမြစ်များ

Taian Areru 91:13

Ane ko na toutou aoia raian ma naeta aika tiritiri ma ni kamaamate.

Itaia 42:2

E na aki takaarua ke n tang ke ni weewete i nanon kawain nuukan te kaawa.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Mataio 11:29

Amoa amou i aomi, ao reirei i Rou: b'a I nimamannei ao I nanorinano, ao e na reke i roumi karauan nanomi ni koaua.

Ebera 11:33

N te onimaki ao a kataei aia kai uea, a kakaraoa nanon te Atua, a reke i rouia baike a atongaki n taeka n akoi, a kaini wiia raian,

1.Ioane 3:8

ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

Tani Motiki-taeka 11:29

Ao E niniia Iebeta Tamnein te UEA, ao e nako Iebeta n ri nuukan Kireata ma Manate, ma ni kateirakea te taanga ni buaka. Ao n tokina, e a roko i Mitib'a i Kireata, ike

Tani Motiki-taeka 13:25

Ao ngke e mena Tamton n ana kaemb'a Taan are i marenan te kaawa are Tora ma Etitaora, ao e niniaki n Tamnein te UEA.

Tani Motiki-taeka 14:19

Ao E ninia Tamton Tamnein te Atua. Ao e nako Tamton nakon te kaawa are Atikeron, ao e tiringiia iai 30 te rorobuaka ao e anai aia kunnikai. Ao i mwiina, e a manga angania rorobuaka ake 30 ake i Timna, ao e okira ana utu ma te maraki n nano ae korakora.

Tani Motiki-taeka 14:5

Ao ngke a roko Tamton ma ana karo n te nne ni kureebe i rarikin Timna, ao e roko te raian b'a e na tena Tamton.

Tani Motiki-taeka 14:7

Ao ngke a roko i Timna, ao e maroroo Tamton ma te aine arei, ao e kakoauaa b'a bon te aine are b'aka i rouna.

Tani Motiki-taeka 15:15

Ao e taratara nako Tamton ao e noora m'angain te aati. E bon rawaawata te m'angai arei b'a e tuai rangi ni m'au. Ao e anaia ao e oroia iai m'aanen Biritia--e tiringiia 1,000 mai buakoia.

Tani Motiki-taeka 15:8

Ao i mwiina, e a korobitiia n aki akaaka n ana kabaang. Ao e kiitana Biritia Tamton ao e maeka n te nangananga ni b'a are ni B'aan Etam.

Tani Motiki-taeka 16:30

Ao e takaarua ni kaangai, “N na mate ma kaain Biritia.” Ao e butui taiani boua ake uaai akekei n tokini korakorana, ao e ingunako te tembora ni b'akariia taan tautaeka ma aomata ni kabane ake i nanona. E raka riki m'aitiia kaain Biritia ake a mate iroun Tamton ni matena, nakon ake e tiringi ngke e boni maiu.

Tani Motiki-taeka 3:10

Ao E ninia Oteniera Tamnein te UEA, ao e kairiia Iteraera nakon te buaka ni kaaitaraa Kutian Ritiataim. Ao E anga te tokanikai te UEA nakon Oteniera,

1.Tamuera 10:16

Ao e taku Tauro, “E tuangiira b'a a tia n reke taian aati.” Ma e aki taekinna Tauro ae e a tia Tamuera n rineia b'a te uea.

1.Tamuera 10:6

Ao ane na niningkami Tamnein te UEA. Ao kam na riki b'a aomata ngkami aika kam kaokoro, ao ane kam na taetae ni burabeti ma ngaiia.

1.Tamuera 11:6

Ao E karina n niniia Tauro Tamnein te Atua ao E karika te un ae korakora i nanona.

1.Tamuera 14:1

N te bong teuana ao e taetae Ionatan nakon te teinim'aane are uouota ana b'ai ni buaka, “Ti na nako n aia kaemb'a I-Biritia.” Ma e bon aki tuanga tamana Ionatan are Tauro,

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.