Tani Motiki-taeka 14:4 - Te B'aib'ara

⁴ N taai akanne, a tautaekanaki Iteraera irouia kaain Biritia, ao E karaoa aei te UEA b'a E na karekea te mangao i marenaia. Ao bon anne bukina are E karaoa iai Tamton b'a e na tangira te aine arei.

Tani Motiki-taeka 14:4 ပူးပေါင်းရင်းမြစ်များ

1.Uea 12:15

Ao ngke a ataia aomata b'a e aki kan ongo Reoboam irouia ao a takaarua ni kaangai, Ti na aki kakaonimaki nakon ana utu Tawita. Ti a kona ni karaoa are ti bon tangiri, nakomai Iteraera. Ti a okira mwengara. Ke e bon tautaekaniia ake bon oin ana botannaomata Reoboam. E mataniwi Atoram i aoia reib'a ake a kam'akuraki ma te matoa, ao e kanakoaki iroun Roboam b'a e na taetae nakoia aomata. Ma a karebanaia aomata n te atibu ni karokoa matena, e a manga birinako Roboam nakon ana kaa ni buaka ao e kawaekoaa n okira Ierutarem. Ma ngaia are, a okira mwengaia aomatan te baronga are meang mai Iteraera, ao a katuka Roboam b'a e na tii tautaekaniia kaain te kaawa are Iuta. Ao a teimatoa aomatan Iteraera ni moa man te bong anne ni kakaitaraa ana utu Tawita i Iuta. A bane n riki b'aai aikai n aron are e tia n tuanga Ieroboam ana burabeti te uea are Aiia.

1.Uea 12:24

“Kam na aki nako ni buakaniia aomatan Iteraera-bon ami koraki. Nako okirii mwengami. Bon te UEA ngai, ao I bon kariki baikai.” Ao e ongo taeka Roboam ma ana taanga ni buaka, ao a okirii mwengaia.

2.Uea 6:33

I m'aain banen ana taeka Eritai, ao e roko te tia uarongorongo ao e taku, “Bon te UEA ae e karokoi b'aai aika a kamaamate aika a riki aika i aora aikai, ao bukin tera ngkai ti na kakantaningaia b'a ngaia ae E na buokiira?”

2.Rongorongo 10:15

Ao ngke a ataia aomata b'a e aki kan ongo Reoboam irouia, ao a takaarua ni kaangai, “Ti na aki kakaonimaki nakon ana utu Tawita.

2.Rongorongo 22:7

Bon i nanon te kaaitibo anne are E a tiringa iai Aatia te Atua. Ngke e roko Aatia i Ietireera, ao e nako ma Ioram ni kaaitibo ma Ieu are tibun Nimti te m'aane. E a kaman tuanga Ieu te UEA b'a e na tiringiia m'aane ni kabane aika ana utu Aaba,

2.Rongorongo 25:20

Ma e karika Amatia te UEA b'a e na taningabono i bukina ngke e nang iangoa katuaaeana i bukina ngke e taromauri antiia kaain Etom. E rawa Amatia n ongo n ana kauring Ieoaati,

Taian Areru 115:3

E mena Atuara i karawa; ni karaoa ae E bon taku.

Taniera 6:4

Ma ngaia are, a kakaea kabuakakaan ana kairiiri Taniera n te tautaeka naake raona ni mataniwi ao aobitia aika a rietaata, ma e bon aki reke i bukina ngke bon te aomata ae e onimakinaki Taniera, ao akea ana m'akuri ae e kairua, ke aki nakoraoi.

Te Tua-Kaua 28:48

ao ane na kanakoia ami kairiribai b'a a na buakaningkami ma n anai ngkami b'a aia taenikai. Ao i mwiina, kam na maeka ni kainano b'a akea kanami ma nimami, ke kunnikaimi, ao a na kam'akuringkami ami toka n te m'akuri ae rawaawata ni karokoa matemi.

Iotua 11:20

Bon te UEA ae kataningabonoia ma ni kakorakorai nanoia ni kan buakaniia Iteraera b'a aonga n tiringaki n akea te nanoanga ma ni kamaunaaki i rouia aomatan Iteraera n ai aron ana taeka te UEA nakon Moote.

Tani Motiki-taeka 13:1

Ao a manga moana naba aki ongotaekaia Iteraera nakon te UEA. Ma ngaia are, E kanakoia kaain Biritia te UEA b'a a na taua taekan Iteraera i nanon 40 te ririki.

Tani Motiki-taeka 14:5

Ao ngke a roko Tamton ma ana karo n te nne ni kureebe i rarikin Timna, ao e roko te raian b'a e na tena Tamton.

Tani Motiki-taeka 15:11

A m'ananga 3,000 m'aanen Iuta nakon te nangananga ni b'a are ni B'an Etam, ao a taku nakon Tamton, Ko aki ataia ae a tautaekaniira ngkai kaain Biritia, a na katuaaira i bukin te b'ai ae ko a tia ni karaoia? Ao e taku Tamton, I boni karaoa nakoia te b'ai are a karaoia moa nako iu.

Tani Motiki-taeka 15:3

Ao e taku Tamton, Bon iai bukin are I karaoa iai tiringakiia tabeman kaain Biritia.