Tani Motiki-taeka 14:12 - Te B'aib'ara

¹² Ao e taku Tamton nakoia rorobuaka ake 30 akekei, E na waakinako te bootaki ni kukurei aei i nanon 7 te bong. Ti na kam'aninga. N na taekina au kam'aninga nakoimi, ao kam na tuangai rekena i m'aain banen bongin te bootaki ni kukurei. Ngkana e eti ami reke, ao N na onoingkami ni kabane n te kunnikai.

Tani Motiki-taeka 14:12 ပူးပေါင်းရင်းမြစ်များ

Karikani B'aai 45:22

Ao e bane naba ni katoaia ma tatabeua aia kunnikai, ma e angan Beniamin tenibubua te m'akoro n tirewa, ao nimaua ana kunnikai.

1.Uea 10:1

Ao e ongo te ueanaine are i Tieba tanoatan rongorongon Toromon, ma ngaia ae e nako Ierutarem b'a e na kataia n titiraki aika a matoatoa.

2.Uea 5:22

Ao e taku Keati, “Eng, b'a e kanakoai au toka b'a N na tuangko i bukiia uoman burabeti aika ataei aika roko man Maungan Eberaim. A roko ni buubuti buokaia, ao e butiiko Eritai ngkana tao ko konaa n anganiia 34 te kirokuraem te tirewa ao kunnikai aika a boou?”

2.Uea 5:5

ao e taku te uea, “Naako kawaria. N na anganiko te reta ae ko na uotia n angan uean Iteraera.” Ao e m'ananga Naaman, ao e uoti 340 te kirokuraem te tirewa, 68 te kirokuraem te koora, ao 10 taiani kunnikai aika a boou.

2.Rongorongo 7:8

A bukamarua te Toa ae M'anganikaai Toromon ma aomata i nanon itiua te bong, ao a roko aomata man taabo aika a raroa man Karaangan Aikubita aika a m'auteretere i maiaki ao Rebo-Amata i meang.

Taian Areru 49:4

N na kakauongo nakon taeka n rabakau; ao N na kab'arab'arai nanoia ngkai I katanga te aabi.

Taeka n Rabakau 1:6

taeka n rabakau ma taeka n reirei, ao ai uana naba ma taeka ni wanawana ao aekaki n taeka ni karariki ni kabane.

Taeka n Rabakau 31:24

E karaoi kunnikai ake a na kabooaki nako iroun are iai ana tabo ni kabob'ai.

Etekiera 17:2

Etekiera ae natin te aomata, ko na karakina te karaki aei nakoia Iteraera,

Etekiera 20:49

Ma I ngurengure, te UEA ae te Atua, I aki tangiria ni karaoa te b'ai anne! A taku aomata b'a I kamangaongaoiia n Au rongorongo nako.”

Mataio 13:13

Aei bukin ae I taetae iai nako ia n taeka ni kabotau: b'a a taratara ma a aki noraba; ao a bon ongo ma a aki ongo, ao a aki ataia.

Mataio 13:34

E atongi baikai ni kabane Iesu nakoia aomata n taeka ni kabotau: b'a E tatangiria ni kani kakamanenaa te taeka ni kabotau ngkana E reireiniia aomata;

Mataio 27:28

Ao a buuti kunnikaina, ao a kaki te ninira ae ura-roo i aona.

Mataio 6:19

Tai kaiko ami b'ai aika kakawaki i aonnaba, ike e kangi b'aai iai te koa ma te raraa, ao a ururu ma n irae iai taan ira;

Ruka 14:7

Ngke E nori aroia aomata ake a kaoaki nakon te am'arake b'a a rinei taabo n tekateka aika kakannato, ao E atonga te taeka ni kabotau nako ia, ni kangai,

Ioane 16:29

A taku ana reirei nakoina, “Noria, ti a oota raoi ngkai n am taeka, b'a Ko a aki kabonganai taeka aika ti aki oota iai.

1.I-Korinto 13:12

B'a ae ti noria ngkai ai aron tein taraana ae aki turuturu raoi i nanon te tirotaam; ma ane ti na bon noria raoi n te aro n itaramata. E aki koro raoi aron au atatai ngkai, ma ane na boni koro raoi arona rimwi, n ai arou ngkai I bon ataaki raoi.

Iakobo 5:2

A mka ami b'ai ao a kanaki ami kunnikai n te koa.

Tani Motiki-taeka 14:11

Ao ngke a noora aekakina arei kaain Biritia, ao a tuangiia 30 rorobuaka b'a a na memena i rarikina n tain te bootaki ni kukurei.

Tani Motiki-taeka 14:13

Ma ngkana e aki reke iroumi reken au kam'aninga, ao kam na manga bane ni karekea kunnikaiu.