Tani Motiki-taeka 13:6 - Te B'aib'ara

⁶ Ao e nakon Manoa ao e taku, E roko irou te burabeti ae ai aron Ana anera te Atua ao e taetae nako iu. I bon rangi ni maaku, n te aro are I aki roko n te titirakinna b'a e nako mai ia. E aki tuangai arana,

Tani Motiki-taeka 13:6 ပူးပေါင်းရင်းမြစ်များ

Karikani B'aai 18:2

ao euta atuuna, ao e nooria teniman mm'aane aika teitei. Ni bon te tai are e nooria naba iai, ao e a teirake naba ni biri n otinako ni kawariia, ao e bobaraaki ni kabo matana ma aontano,

Karikani B'aai 32:29

Ao e taku Iakob'a, “Tuangai aram ngkai.” Ma e taku teuarei, “E aera ngkai ko tangiria n ataa arau?” Ao i mwiina, e kakab'aia Iakob'a.

1.Uea 17:18

Ao e takaarua neierei nakon Eria ni kaangai, Tera ae I a tia ni karaoia nakoim ae e kaairua? I taku ngai b'a Ana burabeti te Atua ngkoe. Ko bon roko b'a ko na tiringa natiu te m'aane, b'a kauringaakiu n au bure nakon te Atua?

1.Uea 17:24

Ao e taku neierei, “Bon Ana burabeti te Atua ngkoe. I a bon ataia ngkai b'a ko bon taetae mairoun te UEA.”

2.Uea 4:16

Ao e taku Eritai nako ina, N te tai naba ae ai aron aei n te ririki ae e na roko ao ko na b'ab'akoa ae bon oin natim te m'aane i m'anokani baim. Ao e taku neierei, I butiiko b'a ko na aki keweai b'a ana Aomata te Atua ngkoe.

2.Uea 4:9

Ao i mwiin te tai ae e maan, ao e a taku neierei nakoni buuna, I kakoauaa b'a bon Ana burabeti te Atua te m'aane are e aki toki n roroko ikai.

Te Otinako 3:2

Ao E kaoti aneran te UEA nako ina n te buakoako n aroka ae e ura. E noora te buakoako n aroka Moote b'a e ura, ma e aki bue.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Taniera 10:11

Ao e taku te anera nako iu, “Taniera, e tangiriko te Atua. Teirake ao ongora raoi nakon te b'ai ae N na taekinna. I kanakoaki nakoim.” Ao ngke e a tia n taekina arei ao I teirake, ao I bon ruru naba.

Taniera 10:5

Ao I tararake ao I noora te aomata ae e kunnikaia n te riinen, ao roona ae te koora ae e tamaroa.

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Ruka 1:19

E kaeka te anera ao e taku, “Kabiriera ngai, ae ana tabonibai te Atua; ao I kanakomaiakaki b'a N na taetae nako im, ao b'a N na uota te rongorongo ae raoiroi aei nako im.

Ruka 9:29

Ngke E tabe n tataro, ao E onikaki aron taraan ubuna, ao e riki ni mainaina man raneanea kunnikaina.

M'akuri 6:15

Ao a bane ake a tekateka n te Tanirim ni katoka mataia n tara Tetebano, ao a nora matana b'a kanga ai aron taraani matan te anera.

Te Tua-Kaua 33:1

Bon te burabeti Moote, ao e kakab'aiaia barongan Iteraera i m'aain matena ao e kaangai:

1.Timoteo 6:11

Ao ngkoe, ae ana aomata te Atua, ko na kararoako mani baikai, ao ko na kataa ae ko kona, ni karaoa nanon te Atua, ni maiu n reitaki ma Ngaia, ni b'aina te kakaonimaki ma te maiu n tangira, ma te taotaonaki n nano, ma te nimamannei.

Iotua 14:6

N te bong teuana ao a roko tabeman aomata man te baronga are Iuta ni kawara Iotua i Kirekara. Temanna mai buakoia, Kareb'a are natin Iebunne are te Kenitaite, e taku nako ia, “Ko ataa Ana taeka te UEA are e taekinna ngkoa i bukim ao i buku i Kateti-b'anea nakon Moote are Ana aomata te UEA?

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Tani Motiki-taeka 13:10

ma ngaia are, ngke e reke Manoa i rouna ao e taku, E a manga roko naba te m'aane arei. Bon te aomata are I nooria ni boong aika nako.

Tani Motiki-taeka 13:22

Ao e taku Manoa, Ti a tia n noora te anera Ti nang mate.

Tani Motiki-taeka 13:3

ma n te tai teuana E kaoti Ana anera te UEA nakoina ao e taku: E tuai man reke natim, ma n te tai ae aki maan ao ko na bikoukou ao e na reke natim te m'aane. E na riki b'a Ana b'ai te Atua man te tai are e moani bungiaki iai, ma ngaia are, e na aki kokoreaki iran atuuna. Ao i m'aain naba bungiakina, ao ko na aki momooi n te wain ke te biia ke ni kang am'arake aika tabuaki kanakiia n aron ake n ana Tua te Atua. E na moana kainaomataia Iteraera natim te m'aane mai rouia kaain Biritia.

Tani Motiki-taeka 13:7

ma e ti tuangai b'a N na bungia natiu te m'aane. N na riai n aki nima te wain ke te biia ke ni kang am'arake aika tabuaki kanakiia n aron ake n ana Tua te Atua. E na riki b'a Ana b'ai te Atua natira te m'aane ni kabane bongin maiuna.

Tani Motiki-taeka 13:8

Ao e tataro Manoa ao e taku, Ara UEA, taiaoka ma kanakomaia riki am burabeti b'a e na tuangiira te b'ai ae ti na karaoia nakon natira te m'aane ae nang reke iroura.

Tani Motiki-taeka 6:11

Ao n te tai teuana, te UEA e kanakoa ana Anera nakon te kaawa are Obera, ao e tekateka te anera arei i aan te aroka ae buubura are arokan Ioati, are kaain te kaainga are Abietera. Ao e tabe n oroi kunin ana uita Kiteon n te m'anono ae kaan ma te anera arei, n te tabo ae aki kona n nooraki iai irouia kaain Miiria.

1.Tamuera 2:27

Ao e roko te burabeti temanna nakon Eri ao e anganna te rongorongo mairoun te UEA: Ngke a tautoronaki ngkoa ami bakatibu iroun uean Aikubita, ao I roko ni kawariia ma ni kaotai nakoia b'a antai Ngai.

1.Tamuera 9:6

Ao e taku te toro arei, “Taninga moa. Iai Ana aomata te Atua ae maeka n te kaawa ae kaan ma ikai. Bon te kamimii b'a a bane ni kokoro bukin baike e taekin ni kabane. Ti a nako ni maroroo ma ngaia. E na mena ngkoa ao e kona n tuangiira te tabo ae ti na kakaae iai.