Tani Motiki-taeka 13:16 - Te B'aib'ara

¹⁶ E m'aninga Manoa are e taetae ma temanna ana anera te UEA. Ao e taku te anera, I aki kona n tiku tabeua te tai, ma ngkana ko kan anga am karea te kooti nakon te UEA, ao e tamaroa.

Tani Motiki-taeka 13:16 ပူးပေါင်းရင်းမြစ်များ

Karikani B'aai 18:5

N na uota mai te am'arake teutana b'a kam aonga ni manga marurung i m'aain manga reitan nako kawaimi. Ke e butim'aeaki b'anaau ae mangori aei iroumi. Ao a kaeka, Ko rab'a; ti butim'aea nanom.

Tani Motiki-taeka 13:21

Ao e a nako te anera, ma a tib'a ataia Manoa ma buuna b'a ngaia Ana anera te UEA.

Tani Motiki-taeka 13:23

Ao e taku buun Manoa, E na aki tiringiira te UEA, b'a E kukurei n ara karea ma ara uita are ti anga, ao E kariaia b'a ti na noori baika a kamimii. Ao i rarikin anne, E tuangiira naba b'a e na reke natira te m'aane.

Tani Motiki-taeka 6:20

Ao e taku ana anera te UEA, “Kiteon, katuka te iriko ma te kariki i aon te b'a aei, ao kab'aroa ranna i aoia.” Ao e karaoa te b'ai are tuangaki Kiteon.

Tani Motiki-taeka 6:26

Ao i mwiina, karaoa te baonikarea i bukin taromauriau i aon kabanean rietaatan te tabuki are e tei iai te kaawa. Kabonganai taian atiibu aika aiakirake i bukin baonikareau, tiaki ti taiani b'a aika a kauataorake. Koroi taiani kai man te boua, ao kam'aaka te ai, tiringa te kaom'aane ae tuai koromangeaki, ao kabuokia b'a te karea nako iu.