Tani Motiki-taeka 13:1 - Te B'aib'ara

¹ Ao a manga moana naba aki ongotaekaia Iteraera nakon te UEA. Ma ngaia are, E kanakoia kaain Biritia te UEA b'a a na taua taekan Iteraera i nanon 40 te ririki.

Tani Motiki-taeka 13:1 ပူးပေါင်းရင်းမြစ်များ

Ieremia 13:23

Kam aki konaa ni bitaki ni karaoa ae e raoiroi? A konaa aomata ni bita kuniia, ke e konaa ni kanakoi matamatan kunin te reb'ari? Ngkana e konaa, ao tao kam na konaa naba ni bitaki ao n reireiningkami karaoan ae e raoiroi.

I-Rom 2:6

B'a E na bon angania aomata nako booni mwin aia m'akuri.

Ebera 11:32

Ao tera riki ae N na atongnga? E na bane au tai ngkana I taekina Kiteon, ma B'araka, ma Tamton, ma Iebeta, ma Tawita, ma Tamuera, ma taiani burabeti.

Tani Motiki-taeka 10:6

I nanon te tai ae aki maan, ao a manga moanna n aki ongotaeka Iteraera nakon te UEA ni manga taromauriia B'aara, Nei Atiterota, ao atuan Turia, Titon, Moaaba, Ammon, ao Biritia.

Tani Motiki-taeka 10:7

Ao E un te UEA irouia Iteraera ao E iangoia b'a E na kanakoia kaain Biritia ma kaain Ammon b'a a na kataenikaiia.

Tani Motiki-taeka 14:4

N taai akanne, a tautaekanaki Iteraera irouia kaain Biritia, ao E karaoa aei te UEA b'a E na karekea te mangao i marenaia. Ao bon anne bukina are E karaoa iai Tamton b'a e na tangira te aine arei.

Tani Motiki-taeka 15:11

A m'ananga 3,000 m'aanen Iuta nakon te nangananga ni b'a are ni B'an Etam, ao a taku nakon Tamton, Ko aki ataia ae a tautaekaniira ngkai kaain Biritia, a na katuaaira i bukin te b'ai ae ko a tia ni karaoia? Ao e taku Tamton, I boni karaoa nakoia te b'ai are a karaoia moa nako iu.

Tani Motiki-taeka 15:20

Ao bon te tia kairiiri Tamton i aon Iteraera i nanon 20 te ririki, ma a bon tautaekana naba Iteraera kaain Biritia.

Tani Motiki-taeka 2:11

E a tia te UEA ni kaotinakoia aia bakatibu mai Aikubita, ao a tia n taromauriia. Ma n te tai aei, a aki taromauria te UEA Iteraera, ao a manga taromauri bouanantin B'aara, ao bouanantin Nei Atiterota, ao ai uana naba ma bouanantiia atua riki tabeman ake ni botannaomata ake i rarikiia. Ao E rangi n un te UEA

Tani Motiki-taeka 3:7

Ao a bure Iteraera i bukina ngke a m'aninga taekan te UEA ma n taromauriia bouanantin B'aara ao Nei Aatera.

Tani Motiki-taeka 4:1

I mwiin maten Euta, ao a manga moana naba aki ongotaekaia Iteraera iroun te UEA.

Tani Motiki-taeka 6:1

Ao a manga waakina naba aia aki ongotaeka Iteraera nakon te UEA, ma ngaia are, E a anga ngaiia nakoia kaain Miiria b'a a na tauaki taekaia irouia i nanon 7 te ririki.

1.Tamuera 12:9

Ma a manga m'aninga taekan te UEA ami bakatibu, ma ngaia are, A kataenikaiaki irouia kaain Biritia, ma uean Moaba, ao Titera, are te kam'aanta n ana taanga ni buaka Atora.

1.Tamuera 4:9

Kaain Biritia, kam na ninikoria ao kakorakoraingkami ni buaka! Ngkana kam aki ao ae a na tautaekaniira kaain Ebera aikai, n arora ngke ti tautaekaniia ngkoa. Kam na buaka ao kam na aki maaku.

1.Tamuera 7:13

Ao i mwiin te bobuaka, ao e katea te kanuringa Tamuera i marenan Mitib'a ma taiani b'a aika rietaata mataniwiia. Ao e aranna b'a, “Te Kanuringa are te Buoka” b'a kauringaia Iteraera buokaia i Roun te UEA. Ao E buobuoka Iteraera te UEA ni buakaniia kaain Biritia i nanon ana tai ni maiu Tamuera.