Tani Motiki-taeka 12:1 - Te B'aib'ara1 Ao a bootia kaain te baronga are Eberaim ao a ri nanon te Karaanga are te Ioretan ni butim'aea Iebeta i Tabon. Ao a taku nakoina, E aera ngkai kam buaka ma kaain Ammon, ao kam aki tuangiira b'a ti na buokingkami? Ngkai kam karaoa anne, ao ti na kabuoki ami auti ma ngkami. အခန်းကိုကြည့်ပါ။ |
Ao n te kabanea ni bong are te ka-itiua ni bongin te bootaki ni kukurei, ao a nako rorobuaka akekei ni kawara ana kabae Tamton ao a taku nakoina, Ko riai ni kekewea buum reken te kam'aninga. Ngkana ko aki ao nanona ko boni kaoira b'a ko na anai ara b'ai. Ngkana e aki reke iroum te reke, ao ti na kabuokiko ma am utu.
Ao a titiraki kaain Biritia ao a taku, Antai ae na kona ni karaoa te m'akuri aei? Ao a taku tabeman nakoia, Bon Tamton are e iein ma natin m'aanen Timna temanna, ma e a manga anaa natina te aomata arei ni kaieina ma te rorobuaka temanna are kaain ana bootaki ni kukurei Tamton i bukin ana mare. Ao a m'ananga taani kairiiri mai Timna ao ni kabuoka buun Tamton ni ikotaki ma taman buuna naba.