Tani Motiki-taeka 11:26 - Te B'aib'ara

²⁶ A tia ni maeka Iteraera i Etibon ao Aroera ao ni kaawa aika uarereke ake i rarikiia, ma kaawa ake i mataniwiin karaangan te Arenon ae uarereke i nanon te maan ae 300 te ririki. E aera ngkai ko aki tataningaa te tai aei ni iangoa kaokakina ngkana ko taku b'a bon abam?

Tani Motiki-taeka 11:26 ပူးပေါင်းရင်းမြစ်များ

Ieremia 48:19

Ngkami aika kaain Aroera, tataninga i rarikin te kawai, ao ngkana a biri i rarikimi taan rawei maiuia, ao kam na titirakiniia ni kaangai, “Tera ae e riki?”

M'akuri 13:19

Ao ngke E a tia ni kamaunaia botannaomata ake itiua n te aba are Kanaan, ao E anganiia abaia b'a a na abanna,

Te Tua-Kaua 2:24

“Ao ngke ti a tia n ri nanon Ammon, ao E taku te UEA nakoira: ‘Iteraera, baarongai ami b'ai, kab'arai ami autinrianna, ao ri nanon te M'arua are te Aremon nakon iterana are teuana. E wene tian aban te uea are Taion are maeka i Etibon n iteran te m'arua are teuana, ma I a anganingkami ngkai abana aei. Ma ngaia are, kam na buakanna, ao taua.

Te Tua-Kaua 2:36

Ao E buokiira naba te UEA n taui kaawa ni kabane ni moa man te M'arua are te Arenon nako iaang nakon tian Kireata, n reitaki naba ma te kaawa are Aroera are i mataniwiin te m'arua, ao te kaawa are i nuukan te m'arua.

Te Tua-Kaua 3:2

Ma E taku te UEA nako iu, “Moote, ko na aki maaka te uea are Oka. N na buokiko ni kataenikaia ma ana taanga ni buaka ma n taua abana. Tiringiia ma ana aomata, n aron are ko karaoia ngkoa nakon uean Amora are Taion are maeka i Etibon.”

Te Tua-Kaua 3:6

Ti kamaunai kaawa aikai ni kabane n akea nikiraia, ao ti tiringiia ni kabane m'aane ma aine, ao ataei n aron are ti karaoi naba nakon kaawa ake ana kaawa te uea,

Iotua 11:18

E buaka Iotua ma uean aaba aikai i nanon te tai ae moan te maan, ma a bon bane ni konaaki i rouna, ao e tiringiia ni kabane.

Iotua 12:2

Temanna mai buakoia bon Taion, uean Amora are e maeka i Etibon. E reke iteran Kireata are maiaki i nanon aban te uea are Taion; mai Aroera (i etan te m'arua are Arenon) ao man te kaawa are i nukan te m'arua, ni karokoa te karaanga are Iaboka, are tian abaia te baronga are Amon.

Iotua 12:5

E reke i nanon aban te uea are Oka te maunga are Amon, ma Tareka, ma B'atian ni kabane ni karokoa tian Keturi ma Maakata, ao iteran naba Kireata, ao e toki n aban te uea are Taion are e maeka i Etibon.

Iotua 13:10

E waaki nako tian abaia ni karokoa tian abaia te baronga are Ammon, ma kaawa ni kabane ake a tautaekanaki ngkoa irouia uean Amora are Taion are uea i Etibon.

Iotua 13:16

Tian abaia mai maiaki bon te kaawa are i nukan te m'arua are Arenon, ma te kaawa are Aroera, are i mataniwiin te m'arua anne mai meang, ni karokoa aaba ake a aoraoi ake i meang i rarikin Meteb'a.

Iotua 13:17

E reke naba Etibon i nanon abaia, ma taian kaawa naba ake taabo ake a aoraoi ake: Ribon, ma Bamota-b'aara, ma Beta-b'aara-meon,

Iotua 23:1

Ao ngke e a bon maan, ao e anga te rau te UEA i marenaia Iteraera ma ana kairiribai i nanon ririki aika a bati, ao e a bon rangi ni kara Iotua n te tai aei,

Tani Motiki-taeka 10:8

Ma ngaia are, ni bon te ririki naba are e mate iai Iaira, ao a buakanaki Iteraera irouia botannaomata aika uoua aikai. A karaoa aia m'akuri ae moan te buakaka i nanon 18 te ririki kaain Ammon nakoia Iteraera ake a maeka i Kireata, n te aono are i mainikun te Karaanga are te Ioretan are b'ainaki ngkoa irouia kaain Amora.

Tani Motiki-taeka 3:11

ao e tiku n rau Iteraera ni karokoa maten Oteniera tao e kaaniia 40 te ririki i mwiina.

Tani Motiki-taeka 3:30

E bon rangi ni konaaki buaka Moaaba, ao e bon rangi ni maan manga kaokan korakoraia ni manga buakana riki Iteraera. Ao e tiku n rau Iteraera i nanon 80 te ririki.

Tani Motiki-taeka 5:31

Ti tataro nakoim, ara UEA b'a a na mate ara kairiribai ni kabane n ai aron Titera Ma Ko na karaneaneaia ni kabane n aron taai ngkana e a tib'a ingabong akana tangiriko. Ao e tiku n rau Iteraera i nanon 40 te ririki.

Tani Motiki-taeka 9:22

Bon te kam'aanta Abimereka n te taanga n tautia ni Iteraera i nanon 3 te ririki,