Tani Motiki-taeka 11:24 - Te B'aib'ara

²⁴ Ngkana atuami Kemoti ao e taua te aba man anganingkami, e koaua b'a akea ami b'ai iai? Ma ngkana E anaa te aba anne te UEA ma n anganiira, ao bon abara!

Tani Motiki-taeka 11:24 ပူးပေါင်းရင်းမြစ်များ

Warekaia Iteraera 21:29

Ai kaawara ngkami kaain Moaba! E boni manga tewenakoingkami atuami are Kemoti, a na tauaki b'a taenikai, ma ni uotaki nako iroun te uea are Taion are kaain Amora.

Mika 4:5

A taromauri oin atuaia botannaomata n tatabeua nako, ma ti na taromauriia te UEA ae Atuara ma n ongotaeka i rouna n aki toki.

Taian Areru 78:55

E kakioia nako kaain te aba mai m'aaia; E tib'ai abaia nakoia barongan nako Iteraera, Ao E anga mwengaia b'a a na maeka iai ana Aomata.

1.Uea 11:7

E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

Te Tua-Kaua 18:12

E bon rangi n aki kukurei te UEA irouia aomata aika a karaoi baikai, ao bon anne bukina are E na buokingkami iai ni kamaunaia botannaomata akana n te aba arei.

Ieremia 48:46

Kaain Moaba, kam taromauria ngkoa Kemoti, are antimi, ma ngkai kam a reke n te kaangaanga, ao a na riki natimi b'a taenikai i abaia ianena.

Ieremia 48:7

Tao kam taku b'a kam konaa ni mano ni m'aakami ao kaub'aimi, ma ane kam na tauaki n reitaki ma antimi are Kemoti, ma ana ibonga, ao ana mataniwi nako.

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Tani Motiki-taeka 10:6

I nanon te tai ae aki maan, ao a manga moanna n aki ongotaeka Iteraera nakon te UEA ni manga taromauriia B'aara, Nei Atiterota, ao atuan Turia, Titon, Moaaba, Ammon, ao Biritia.

Tani Motiki-taeka 11:23

Ao a tuanga naba uean Ammon te b'ai are e taekin Iebeta are kaangai: E buokiia ana Aomata te UEA ni kataenikaia kaain Amora ma n anai abaia. Ao ngkoe, ko taku ngkai b'a e na reke naba iroum te aba anne?

Ruuta 1:15

Ma ngaia are, e a taku Naomi nakon Nei Ruuta, “E a okiria ana utu ma antina tarim, ao ngkoe ko na okira naba mwengam ma ngaia.”

Ieremia 48:13

Ao i mwiina, kam na mamaa i bukina ngke e aki konaa ni kamaiungkami antimi are Kemoti, n aron Betaera ae e aki konaa ni buokiia Iteraera.

Iotua 21:43

Ma ngaia are e anganiia aomatan Iteraera ni kabane abaia te UEA n aron are E a tia n taekinna n ana berita ae tabu nakoia aia bakatibu b'a E na anganiia. Ao a bon maekanna b'a ai bon abaia.

Tani Motiki-taeka 2:1

Ao E m'ananga Ana anera te UEA mai Kirekara nako Bokim ao E anganiia Iteraera te rongorongo aei: I berita nakoia ami bakatibu b'a N nang anga te aba aei nakoia ami utu, ao e karokoia ami aomata aikai mai Aikubita. Ti karaoa ngkoa te berita, ao I berita b'a e na aki uruaki.