Tani Motiki-taeka 11:16 - Te B'aib'ara

¹⁶ Ngke a roko Iteraera mai Aikubita, ao a m'ananga i nanon te rereua nakon Taari are Mate ao ni manga bo nako Kateti.

Tani Motiki-taeka 11:16 ပူးပေါင်းရင်းမြစ်များ

Karikani B'aai 14:7

Ao a manga rairaki n oki, ao a okira Kateti. A taua abaia kaain Amareka ni kabane, ao a kataenikaia kaain Amora ake a maeka i Ataton Tam'aa.

Warekaia Iteraera 13:26

ao a okirikaaki mm'aane ake tengaun ma uoman nako Kateti n Rereuan B'aran, ao a tuanga Moote ma Aaron, ao aomata baike a tia n noori, ao a kaoti uaani kaai nakoia

Warekaia Iteraera 14:25

Kakauongo ngkai Moote! A maeka kaain Amareka, ao kaain Kanaan n taian m'arua ake i Kanaan. Ao nakon te ingabong ko na manga rairaki n okira nanon te rereua n kaineta Taari are Uraura.

Warekaia Iteraera 20:1

Ao a roko Iteraera n te Rereua are Tin n te moan nam'akaina, ao a katea aia maeka i rarikin te kaawa are Kateti. Bon arei te tabo are e mate iai Nei Miriam, ao e taunaki naba iai.

Warekaia Iteraera 20:4

Ko kairiira nakon te Rereua aei, ao ngkai ae ti nang mate ma ara nanai ni man!

Te Tua-Kaua 1:40

Kam na tanrikaaki ngkai ma n oki nakon te rereua ni kawain Taari are Uraura.”

Te Tua-Kaua 1:46

“Ao i mwiin tikura i Kaateti i nanon tabeua nam'akaina, ao ti a ongotaeka nakon te UEA, ao ti a okira te rereua ni kawain Taari are Uraura.

Iotua 5:6

Bukin naba mateia b'a aki ongotaeka nakon te UEA. E baireia te UEA b'a bon akea temanna mai rouia m'aanen te roro arei ae e na noora te aba ae maiu reirei are kanoan ana berita nakoia aia bakatibu. Ao e bon koro bukin anne nako ia.

Tani Motiki-taeka 11:15

ao a tuangnga ana taeka Iebeta ae kaangai: Bon akea te aba ae anaia Iteraera mai rouia kaain Moaaba ma kaain Ammon.