Tani Motiki-taeka 10:18 - Te B'aib'ara

¹⁸ Ao a titirakiniia i bon irouia taani kairiiri i Kireata ao a kaangai, “Antai ae kona ni kaira buakanakiia kaain Ammon?” Ao a boraoi n aia iango ao a taku, “Ngkana ti kona ni kakaaea temanna ae na kaira te buaka, ao ti na karikia b'a te tia tautaeka i aon Kireata.”

Tani Motiki-taeka 10:18 ပူးပေါင်းရင်းမြစ်များ

Itaia 34:12

E na aranaki Etom b'a “Te abanuea ae akea kiito iai.” A na akea kiito i rouia ana taan tautaeka.

Tani Motiki-taeka 1:1

Ao i mwiin maten Iotua, ao a bubuti Iteraera nakon te Atua ni kaangai, “Antai mai buakoia ara baronga ae na buakaniia moa kaain Kanaan?”

Tani Motiki-taeka 10:17

Ao a bootia aia tautia taan tautaeka i Ammon ao a kairiia nako Kireata, ao a katei aia autinrianna iai. Ao a bootaki Iteraera i Mitib'a ao a katea aia autinrianna ikekei.

Tani Motiki-taeka 11:1

Ao a iangoa rinean te tia kairiiri ae ninikoria ae Iebeta are natin Kireata taani kairiiri man te baronga are Kireata b'a e na kaira buakanaia kaain Ammon. E ngae ngke boni kaain te kaainga are Kireata Iebeta, are a tia ni kanakoaki man te aono are a maeka iai. Bon natin ainen mataawa Iebeta, ma ai tarina nako bon natin buun tamana ma temanna. Ao a taku nakoina ai tarina, Bon tiaki ngkoe raoi kaain ara utu, ma ngaia are, akea b'ain ara utu teuana ae ko na anganaki. Ao a tuangnga b'a e na kiitana te auti. Ao e nakon te kaawa are Toba Iebeta, ao a iria aomata aika akea aroia i bukin iangoan te m'ane. Ma ngaia are, a nako taani kairiiri mai Kireata ni kawara Iebeta ao a taku,

Tani Motiki-taeka 11:11

Ao e nako Iebeta nako Mitib'a ma taani kairiiri mai Kireata. A bootaki kaain Kireata n tabo n taromauri ao a karika Iebeta b'a aia tia tautaeka. Ao e anga naba ana berita Iebeta nakoia.

Tani Motiki-taeka 12:7

Bon te tia kairiiri Iebeta irouia kaain Iteraera i nanon 6 te ririki i m'aain matena, ao e taunaki n ana kaawa are Mitib'a i Kireata.

1.Tamuera 17:25

Ao a taku i bon i rouia, “Bon nooria e aki toki n otioti nako ni kakaotinakoira. Ao e na anga te kaniwanga ae buubura te uea nakon ane kona n tiringnga. Ao e na mare naba te m'aane anne ma te natinuea te aine, ao a na aki kakab'aka aia taekiti ana utu ni kabane.”