Tani Motiki-taeka 10:16 - Te B'aib'ara

¹⁶ Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.

Tani Motiki-taeka 10:16 ပူးပေါင်းရင်းမြစ်များ

Karikani B'aai 6:6

ao moan te rawawata nanona i rouia ngke bon tiaki arei bukin karikaia nako aon te aonnaba. Ao E rangi n rawaawata nanona iai.

2.Uea 13:23

Ma E ataataiaomata te UEA nakoia Iteraera ao e kaota te akoi nakoia i bukin ana berita ngkoa nakoia aia bakatibu ake Aberaam, Itaaka, ao Iakob'a. E bon tuai man tannako ke ni kariaia b'a a na kamaunaaki n tiringaki.

2.Rongorongo 15:8

Ao Ata, ngke e ongo naba ngkekei ana taeka Ataria are te burabeti, ao e anga ana taeka i bukin taian bouannanti ni kabane ake i Iuta ao Beniamin b'a a na uruakaki, n ikotaki ma ake n te kaawa ake a tia n reke i rouna n te aba are Eberaim. E bon manga onob'aia naba ana baonikarea te UEA are e mena i matan kamanin te Tembora.

2.Rongorongo 33:15

E bon kanakoi naba taian bouannanti Manate ao taian atiibu ake bannan antiia ianena mai nanon te Tembora, ao e booti taian baonikarea ake e katei ngkoa i rarikin te Tembora ao ake ni m'akoron Ierutarem ake tabeua. E karenakoi baikai ni kabane i tinanikun te kaawa are e buubura.

2.Rongorongo 7:14

Ngkana a tataro ma te nanorinano au aomata man tanrikaaki nako iu mani katoka aia m'akuri aika a bure, ao N na kaekai aia tataro mai karawa. N na kab'arai aia bure mani manga kamaiureireia abaia.

Taian Areru 73:21

Ngke e rawaawata nanou, n ai aron ae e teke burou iai,

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Otea 14:8

Iteraera, Katikui ami bouannanti nako! N nang kaekaa ami tataro ma n tararuaingkami. Boni Ngai te aroka are e mimitong arei, are oin ami kariki uaa,

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Ruka 15:20

Ao e tei rake, ao e nako n tamana. Ao ngke e mena i kiraroa, ao e noria tamana, ao e nanoangaia, ao e biri, ao e rab'atia, n inga nako ina.

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

Ioane 11:34

ao E taku, “Kam kawenea iaa?” A taku nakoina, “Te Uea, mai noria.”

I-Ebeto 4:32

Ao kam na b'aina te i akoakoi, ma te nanoanga, ma te i kab'arabure, n ai aron te Atua ngkae E a tia ni kab'ara ami bure irouni Kristo.

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

Ebera 3:10

Ma ngaia are E un te Atua nakon te roro arei, Ao E kangai, ‘A aki toki ni bubure i nanoia; ao a aki atai arou nako.’

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Iotua 24:23

Ao e a manga taku Iotua, “Ao kam riai ni kamaunai ngkai anti ianena aika i roumi, ao kam na berita b'a kam na kakaonimaki nakon te UEA ae Atuaia Iteraera.”

Tani Motiki-taeka 2:18

Ao ngkana a karawawataaki maiuia Iteraera irouia aia kairiribai ao E na manga nanoangaia te UEA. E na rinea te tia motikitaeka ma ni buoka te tia motikitaeka anne ni kamaiuia Iteraera mai rouia aia kairiribai. E na bon nanoangaiia Iteraera te UEA i nanon ana tai ni maiu te tia motikitaeka.

1.Tamuera 12:10

Ao a manga tang naba nakon te UEA ami bakatibu i bukin buokaia. Ao a taku, “Ti a tia ni bure! Ti aki tataromauriko, ara UEA, ao ti a manga moana taromaurian B'aara ao Nei Atiterota. Ma ngkana Ko kamaiura ngkai mairouia ara kairiribai, ao ti na manga taromauriiko.”

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”

1.Tamuera 7:4

Ao a bane ni kanakoi bouanantin B'aara ao Atiterota ma ni moana taromaurian te UEA n ti Ngaia.