Tani Motiki-taeka 1:4 - Te B'aib'ara

^4-5 Ao a uaia ni buakaniia tautian Kanaan, ao kaain Beriti i Beteka aika 10,000 m'aitiia. Ao E buokiia kaain Iuta te UEA ni kataenikaiia ao a kunea te tabo ike e mena iai uean Beteka tautian Iuta, ao a buakaniia ikekei.

Tani Motiki-taeka 1:4 ပူးပေါင်းရင်းမြစ်များ

1.Uea 22:15

Ao i mwiina, ao e a nako Mikaia ni kawara Aaba, ao e a taku Aaba nakoina, “Mikaia, N na buakana Turia i Ramota ke N na aki?” Ao e taku Mikaia, “Eng, ko na buakanna b'a E na anganiko te UEA te tokanikai.”

1.Uea 22:6

Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 78:55

E kakioia nako kaain te aba mai m'aaia; E tib'ai abaia nakoia barongan nako Iteraera, Ao E anga mwengaia b'a a na maeka iai ana Aomata.

Te Tua-Kaua 7:2

E na buokingkami te UEA ni kanakoia man te aba. Ao i mwiina kam na tiringiia n aki manga nanoangaiia teutana. Kam na aki karaoa te boraraoi n raoi ma ngaiia,

Te Tua-Kaua 9:3

Ma E a tia ni berita te UEA ae Atuami b'a E na ririmoami, kaanga ai aron te ai ae kabuebue ae kabueki b'aai ni kabane mai m'aaini kawaimi. Ma ngaia are, ngkana kam buakaniia ami kairiribai, ao e na bon rangi ni bebete iroumi ngkana kam tiringiia man taua te aba.

Tani Motiki-taeka 1:3

Ao a nako kaain te baronga are Iuta nakoia aia koraki ake kaain te baronga are Timeon ao a taku, “A maeka kaain Kanaan n te aba are anganiira te UEA. Kam na buokiira ni buakaniia, b'a ti na manga buokingkami.” Ao a m'ananga tautian te baronga are Timeon ni buokiia kaain te baronga are Iuta.

Tani Motiki-taeka 11:32

ngkana Ko kataenikaia kaain Ammon ma ni kaokai nakon mwengau ma te maiu.

Tani Motiki-taeka 3:5

Ma a rawa. Ao E bon karaoa naba aei te UEA i bukiia kaain Kanaan, kaain Eta, kaain Amora, kaain Beriti, kaain Iwa, ao kaain Iebuti ake a maeka n taabo nako i rarikiia. Ao a iein tabeman Iteraera ma kaain botannaomata aikai, ao bon anne moan reken taromauriaia atua riki tabeman irouia.

1.Tamuera 11:8

i Beteka. Ao e baaireia Tauro ao e wareki m'aitiia. Ao bootaia bon 300,000 mairouia Iteraera ao 30,000 mairouia kaain Iuta.

1.Tamuera 14:10

Ma ti na tam'arakea te tabuki ni buakaniia ngkana a tuangiira. B'a nanon anne, E buokiira te UEA ni katokanikaira i aoia.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”