Tani Motiki-taeka 1:29 - Te B'aib'ara

²⁹ A aki kona naba kaain te baronga are Eberaim ni kanakoia kaain Kanaan ake a maeka i Ketera, ma ngaia are, a maeka kaain Kanaan i rarikiia Iteraera, ao a katobibiaki irouia Iteraera.

Tani Motiki-taeka 1:29 ပူးပေါင်းရင်းမြစ်များ

1.Uea 9:15

Ao ngke a tia ni katiaa karaoan te Tembora ma te bareti ana taani m'akuri Toromon, ao e a manga tuangiia b'a a na nakon te aba are i mainikun Ierutarem ni karaoa te nono ni katobibia te kaawa, ao ni manga karaoi kaawa ake Atora, Mekito, ao Ketera.

1.Uea 9:16

E kaman taua te kaawa are Ketera uean Aikubita; e kabuokia n kamaunanakoa ao e tiringiia kaain Kanaan ake a maeka ikekei. Ao i mwiina e b'aintangiraia nakon natina te aine ngke e mare ma Toromon.

Iotua 10:33

Ao e roko uean Keeta are Oram b'a e na buoka Rakiti, ma e konaaki naba n te buaka i roun Iotua.

Iotua 16:10

Ma aki kakioia nako kaain Kanaan ake a maeka i Ketere, ma ngaia are a bon tiku ni maeka kaain Kanaan i buakoia aomatan Eberaim man taai akekei ni karokoa boong aikai, ma a kam'akuraki ni m'akuri aika rawawata n ai aroia tooro.

Tani Motiki-taeka 1:30

Ao a aki kona naba kaain te baronga are Teburun ni kanakoia kaain Kanaan ake a maeka i Kiteron ao Naarara. Ma a kairoroia kaain Kanaan te baronga are Teburun b'a a na riki b'a aia toro.