Tani Motiki-taeka 1:27 - Te B'aib'ara

^27-28 A maeka kaain Kanaan n taiani kaawa aika Beta-tean, Taanaka, Tora, Ibeream, Mekito, ao kaawa ni kabane ake i rarikiia. A aki kan nako kaain Kanaan, ao a aki kona te baronga are Manate ni kanakoia. Ma i mwiin te tai ae maan, ngke a tabe ni korakora Iteraera, ao a karikiia kaain Kanaan b'a aia toro.

Tani Motiki-taeka 1:27 ပူးပေါင်းရင်းမြစ်များ

2.Uea 23:29

E kam'anangaa ana taanga ni buaka Neko are uean Aikubita nako meangin te Karaanga are Iuberetiti i nanon ana tai ni uea Iotia b'a e na buoka uean Aturia. E kairiia ana taanga ni buaka Iotia nako meang b'a a na buakana Neko ma ngke a kaaitibo ni buaka i Mekito, ao e a mate Iotia.

2.Uea 9:27

E noori b'aai aika a riki aikai te uea are Aatia, ao e kataia ni birinako nakon te kaawa are Betaakan, ma e reke iroun Ieu ngke e kakioa ao e takaarua ni kaangai, “Tiringnga naba.” Ao a katebea Aatia ana tautia Ieu ngke e biri n te kawai are e nako Kura i rarikin Biream. Ao e waaki nako ni karokoa Mekito ike e a mate iai.

Te Otinako 23:32

Ma kam na aki karaoa te boraraoi teuana ma ngaiia ke ma antiia.

Ieremia 48:10

I tangiria n tiringiia kaain Moaba, ao ngkana kam kabiri nako ia, N na bon kamaraiaingkami.”

Te Tua-Kaua 7:2

E na buokingkami te UEA ni kanakoia man te aba. Ao i mwiina kam na tiringiia n aki manga nanoangaiia teutana. Kam na aki karaoa te boraraoi n raoi ma ngaiia,

Iotua 21:25

Ao uoua naba aia kaawa ake a anganaki man abaia te baronga are Manate maeao b'a Taanaka ao Kata-rimmon, n airi naba ma aia tawaana n uteute.

Tani Motiki-taeka 1:1

Ao i mwiin maten Iotua, ao a bubuti Iteraera nakon te Atua ni kaangai, “Antai mai buakoia ara baronga ae na buakaniia moa kaain Kanaan?”

Tani Motiki-taeka 1:21

A maeka kaain Iebuti i Ierutarem, ma a aki konaaki irouia te baronga are Beniamin ke n tauaki aia kaawa irouia. Ao bon anne bukina are a bon tiku naba ni maeka kaain Iebuti i Ierutarem i rarikiia kaain te baronga are Beniamin.

Tani Motiki-taeka 1:26

Ma ngaia are, a nako n abaia kaain Eta, ike e katea iai te kaawa. E arana te kaawa arei b'a Ruti, are bon arana naba ngkai.

Tani Motiki-taeka 5:19

A buakaniira uean Kanaan i Taanaka i mataniwiin te karaanga i rarikin Mekito ma a aki kona ni iraei ara tirewa.

1.Tamuera 15:9

Ao Tauro ma ana taanga ni buaka a kamaiua Akaaka, ao kamaiuia naba taian tiibu ma taiani kao aika rangi n raoiroi. A bon aki kan kamaunai b'aai aika manena, ma ngaia are, a tiringi naba maan aika akea bonganaia, ao aika mamaara.

1.Tamuera 31:10

Ao i mwiina, a katuka ana b'ainibuaka i nanon ana tembora antiia are Nei Atiterota, ao a neerana rab'atana ma oon te kaawa ae e buubura are Beta Taan.