Tani Motiki-taeka 1:20 - Te B'aib'ara

²⁰ Ao a angan kaawan Eberon kaain Iuta nakon Kareb'a n aron are e tuangiia Moote. E kataenikaiia kaain Anakim aika tenua aikai ma n taui kaawana.

Tani Motiki-taeka 1:20 ပူးပေါင်းရင်းမြစ်များ

Warekaia Iteraera 13:22

Ao ngke a ri nanon te Rereua are i maiaki, ao a roko n te kaawa are Eberon, are bon te ikawai riki nakoni kaawan Aikubita are Toan, b'a itiua ana ririki i aona. I Eberon ao a nooria teniman kaain Anakim man baronga ake Aiman, Tetiai, ao Taremai.

Warekaia Iteraera 14:24

Ma e bon rangi ni kaokoro au toro are Kareb'a ma ngaiia i bukin ana kakaonimaki nako Iu, ao N na boni kariaia riaoakin te Ioretan nako Kanaan irouna, ao a na maeka kanoana ikekei.

Te Tua-Kaua 1:36

Bon ti Kareb'a are natin Iebunne te m'aane ae I kariaia mai buakoia ami roro aei ae na rin. E ongotaeka raoi irou ni b'aai ni kabane, ma ngaia are, N na anganna ma kanoana te aba are e a tia n tuoa.

Iotua 10:36

I mwiin anne ao e manga m'ananga naba Iotua mai Ekeron ma ana taanga ni buaka ri aon tabuki nako Eberon, ao a buakanna,

Iotua 11:21

N te tai aei ao e a m'ananga Iotua n tiringiia te reeti n aintoa teuana ae a aranaki b'a Anakim ake a maeka n aaba ake a tabukibuki, i Eberon, ma Tebira, ma Anaba, ao n aaba naba ni kabane ake i Iuta ma ake i Iteraera. E bon kabaneia n tiringiia Iotua ma ni kamaunai aia kaawa ake a korakora.

Iotua 14:15

E bon aranaki ngkoa te kaawa ae Eberon b'a Areb'a (Areb'a bon te aomata ae korakora i buakoia kaain Anakim). E a toki te buaka ao a rau aomata.

Tani Motiki-taeka 1:10

Ao i mwiin anne, a manga buakaniia kaain Kanaan ake a maeka i Eberon, ma ni kataenikaiia kaainga ake tenua ake Tetai, Aiman, ao Taremai. Ao e aranaki Eberon n te tai anne b'a Kiriata areba.