Taniera 9:9 - Te B'aib'ara

⁹ Ko akoi ao Ko kakab'arabure, e ngae ngke ti aki toki ni kakaaitarako.

Taniera 9:9 ပူးပေါင်းရင်းမြစ်များ

2.Tamuera 24:14

Ao e rangi ni maaku Tawita, ao e taku, “E matoatoa rineana! Ma E bon akoi te UEA, e raoiroi riki katuaaeau Irouna nakon ae N na katuaaeaki iroun temanna.”

1.Uea 8:30

Bon am toro ngai, ao am b'ai aomatan Iteraera. Ma ngaia are, ngkana iai mai i buakora ae e nakomai n tataro ao kaeka te UEA mani mwengam are i karawa ao kab'arai ara bure nako.

Neemia 9:31

Ma Ko bon nanoanga man akoi, ma ngaia are, Ko aki roko n te m'aninga taekaia ke ni kamaunaiia.

Taian Areru 130:4

Ma Ko kab'ara ara bure, ma ngaia ae ti na taromauriko.

Taian Areru 130:7

Iteraera, kam na kaantaninga te UEA, b'a e teimatoa ana tangira ao E tauraoi n taai nako ni kakamaiu.

Taian Areru 62:12

ao e teimatoa au tangira. Boni Ngkoe, te Uea, ae Ko angania aomata n tatabemaniia nako booni mwin aia m'akuri.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Ieremia 14:7

Tiaki mutiakiniko ao ti karaoi baika a rangi ni buakaka ma e riai b'a ti na katuaaeaki. Ma ngkana Ko kamaiura, te UEA, ao a na bane n noora korakoram aomata ni kabane.

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Taniera 9:6

Ti a tia n aki kan ongo iroun am toro are te burabeti, are e taetae n Aram nakoia ara uea, ma ara taan tautaeka, ma ara bakatibu, ao ara botannaomata.

Taniera 9:7

Ko kakaraoa ae eti Ngkoe ae te UEA n taai nako, ma ti boni kamamaaira i boni iroura. Bon aei ae ti kakaraoia ngaira aika ti maeka i Iuta, i Ierutarem, ao Iteraera ake a maenako n aaba tabeua aika a kaan ao aika a raroa i bukina b'a a aki kakaonimaki nakoim.

Taniera 9:8

A karaoi m'akuri aika a kamamaa ara uea, ara taan tautaeka, ao ara bakatibu, ao a bure nakoim te UEA.

Iona 4:2

Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.