Taniera 9:7 - Te B'aib'ara

⁷ Ko kakaraoa ae eti Ngkoe ae te UEA n taai nako, ma ti boni kamamaaira i boni iroura. Bon aei ae ti kakaraoia ngaira aika ti maeka i Iuta, i Ierutarem, ao Iteraera ake a maenako n aaba tabeua aika a kaan ao aika a raroa i bukina b'a a aki kakaonimaki nakoim.

Taniera 9:7 ပူးပေါင်းရင်းမြစ်များ

Etira 9:13

Ko katuaaira i bukin ara bure aika moan te buakaka. Ma ko bon aki katuaaira n aron m'aitin are ti bon riai n katuaaeaki iai, ao ko a tia ni kaokiia tabeman mai buakora nakoni mwengara.

Etira 9:15

Te UEA ae Atuan Iteraera, ko bon moan raoiroi ngkai ko karaoia tabeman mai buakora b'a a na konaa n tiku ni maiu. Ma I kan taekinna riki b'a ara bure a rangi ni kamamaaira ni kawariko.

Neemia 9:33

Ko a tia ni kaakaraoa ae e eti ngkana ko katuaaira i bukin ara bure.

Taian Areru 119:137

Te UEA, Ko raoiroi, ao a eti am Babaire.

Taian Areru 44:15

E aki toki b'ainrangu; Ao e taonai te mamaa

Taian Areru 51:14

Te Atua, ae te Tia Kamaiuai, kawakinai man te bure ae kakaiaki, Ao N na kim'areirei n tataekina raoiroim.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 45:16

Aomata nako akana a karaoi taiani bouannanti a na bane ni kamangaongaoaki aia iango ao a na kamaamaaeaki.

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 32:32

i bukin m'akuri aika a buakaka ni kabane aika a tia ni karaoaki irouia kaain Iuta ma Iteraera, n reitaki ma ibonga ma burabeti.

Ieremia 33:16

E na mano Iuta, ni boong akanne; e na mena te rau i aon Ierutarem ao e na aranaki b'a, Te UEA ae E anga te Rau.”

Ieremia 7:19

Ma a bon aki ti kamatauningaai, ma a bon kamatauningaia naba ni karaoi baika a na kamamaaeaki iai.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Etekiera 36:31

Kam riai n uring aromi aika a buakaka ao kam riai n ribaingkami i bon iroumi n te b'ai ae kam a tia ni karaoia.

Etekiera 5:10

A na rangi ni kainanoa kanaia kaaro ma tiina n te aro are a na bon kang natiia, ao naati ana kana tamaia ma tinaia. Ao koraki akana a reke maiuia man te b'ai ae e kakamaaku aei a kamaaeaki nako n aki akaaka.

Etekiera 6:12

Akana a maeka n taabo aika a raroa nako a na oreaki n te aoraki ae e kamaamate. Akana a maeka n taabo aika a kaan a na tiringaki n te buaka. Ao akana a tiku a na mate n te baki. N na aki taotaona nanou irouia!

Taniera 9:14

Te Atua ae te UEA, ko katauraoi nakon karekeani kaira, Ko karaoa anne i bukina ngke Ko boni karaoa ae e eti n taai nako, ao tiaki kan ongo iroum.

Taniera 9:18

Ongo iroura te Atua; taraira ao noori ara kaangaanga aika ti mena i buakoia, ao rawaawatan te kaawa are e uouota Aram. Ti tataro nakoim i bukina b'a Ko akoi, tiaki i bukina ngke ti a tia ni karaoa te eti.

Taniera 9:8

A karaoi m'akuri aika a kamamaa ara uea, ara taan tautaeka, ao ara bakatibu, ao a bure nakoim te UEA.

Amota 9:9

“N na anga Au taeka, ao N na ioia aomatan Iteraera n ai aron te uita ae e ioaki n te b'ai n i uita. N na ioia n raumeaia ni kanakoia aika a buakaka.

I-Rom 6:21

Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Tua-Kaua 4:27

Bon ti tabeman mai buakomi aika a na maiu, ao E na kanakoingkami te UEA man te aba, ao E na kamaenakoingkami i buakoia botannaomata.