Taniera 9:3 - Te B'aib'ara

³ Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Taniera 9:3 ပူးပေါင်းရင်းမြစ်များ

2.Tamuera 12:16

Ma ngaia are, e aki am'aam'arake Tawita ni kaota nanokaawakina, ao e butiia te Atua b'a e na kamarurunga natina. Ao e aki matu i aon ana kainiwene, ma e wene i aon te burooa ni kangainaa.

Etira 10:6

Ao i mwiina, e Etira kiitana ana Tembora te Atua ao e nako n ana ru Ieoanan are natin Eriatiba te m'aane n tiku iai ni kangainaa. E rangi n raraoma i bukin te b'ai ae a tia ni karaoia aomata, ao e aki kana ma n nima te b'ai teuana.

Etira 8:21

I a buubutiia aomata ngke ti mena i rarikin te Karaanga are Aawa, b'a a na aki am'aam'arake ao a na tataro. Ti kananorinanoira ao ti buubutia te Atua b'a e na anganiira ma natira te mauri i aon Ierutarem ao i aon ara b'ai ni kabane.

Etira 9:5

Inanon tain te angakarea n te tairiki anne, ao I bon tekateka naba n nanokawaki ma kunnikaiu ake a raeuaaki. Ma ngaia are, I a katorobubua ao I tabeki baiu,

Neemia 9:1

A bane aomatan Iteraera n aki am'aam'arake ni kauabwi ma auani bongin te kaitiua n nam'akaina, ao a kunnikaiia ni kunnikai aika a raerob'a ao a kaoni atuuia n te baareka ni kaota nanokawakiia.

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Taian Areru 35:13

Ma ngke a aoraki, ao I kaota ae I rangi n nanokawaki; I kataua te aki mamatam; Ao I tataro ma te nanokawaki ae bati i bukiia,

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Etekiera 36:37

N na manga kaeka riki ami tataro nako, ao N na karikirakea ami botannaomata kaanga te nanai n tiibu ae e korakora.

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Taniera 9:2

Ao I kamateb'aii booki ake a tabu i nanon ana moan ririki ni uea, ao mani iangoa naba rokon te itibwi n ririki are e na mauna iai Ierutarem, n aron ana taeka ngkoa te UEA nakon te burabeti are Ieremia.

Taniera 9:20

Ao I boni waakina naba au tataro, ni kaoti au bure ao aia bure Iteraera, ao ni kairoroa te Uea ae te Atua b'a e na manga kaokaki te Maunga are e tabu.

Taniera 9:4

I tataro nakon te UEA ae Atuau ao I kaoti aia bure au aomata. Ao I kaangai, “Te Atua ae te UEA, ko korakora, ao ti karineko. Ko kakaonimaki nakon am boraraoi ma ni kaota am tangira ae e teimatoa nakoia aika a tangiriko ma ni karaoa nanon am kaetieti.

Ioera 1:13

Taang, ngkami aika ibonga aika kam m'akuri n ana baonikarea Atuau. Kangainaa ao kabongnga ni waea te kunnikai ae e mangaingai. A na aki manga uotaki nakon ana Tembora te UEA taian angab'ai are te uita ma te wain.

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Iona 3:5

Ao a kakoauai ana taeka te Atua kaain Ninewe. Ma ngaia are, a bonnanoa te aki mamatam. Mairouia kakannato ni karokoia ake a mangori, a karin kunnikai aika a mangaingai ni kaota aia rairanano.

Mataio 17:21

Ma a aki oti nako taimonio aika ai aron aei, ma ti n te tataro ma te aki-mamatam.

Ruka 2:37

E a tia ni mate buuna, ao ai wanibwi ma aua ana ririki ni maiu.

M'akuri 10:30

Ao e taku Korenerio, “Tao n te tai naba aei tenua te bong n nako, ao I tabe n tataro n au auti n te aoa tenua n te tanimaeaontaai, ao akea b'a e tei te aomata temanna i matau ma kunnikaina ae raneanea,