Taniera 9:26 - Te B'aib'ara

²⁶ Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Taniera 9:26 ပူးပေါင်းရင်းမြစ်များ

2.Tamuera 21:5

Ao a kaeka ni kaangai, “E kataia Tauro n tiringiia ara aomata ni kabane, b'a e aonga n akea temanna ae e na tiku n te aba ae Iteraera.

Taian Areru 22:15

E bane korakorau kanga ai aron aontano ae m'auteretere; ao e nimta ngangarakeu neweu, Ao ko kaweneai n te ruanimate.

Itaia 28:2

Bon ti te UEA ae e korakora ma ni m'aaka! E na oroia ni kab'akaia ni baina ae e korakora n angibuakan te karau te atiibu ke te ukeuke n anti ke te ieka ae e korakora.

Itaia 28:22

Ma ngaia are, kam riai ni katoka ami b'ab'ainingare b'a kam kaawa ni kamatoatoaa riki kabaeami nakon are mai m'aaina. I ongo taekan te UEA ae Moan te M'aaka b'a e orea te aba ae b'anin ni kamaunaa.

Itaia 53:8

E motikaki taekana nakon te mate n te moti ae e aki eti. Antai ae e konaa ni iangoa te b'ai are e nang riki nakoina? E anaaki maiuna i bukin b'aai aika a bure aika a tia ni karaoaki irouia au aomata

Itaia 8:7

Ngkai N nang kanakoa uean Aturia b'a e na kaaitaraia ma korakoran ana taanga ni buaka, are e na buakaniia kaanga korakoran te Karaanga are Iuberetiti aika a taonako i mataniwiina nako.

Ieremia 46:7

Tera te botannaomata aei, ae e teirake kaanga te Karaanga are te Naire

Ieremia 51:42

Ane a na teirake ana kairiribai B'aburon kaanga naon te marawa ao e na kaiekaa te kaawa.

Taniera 11:10

A katauraoi nakon te buaka natiia uean Tuuria m'aane, ao a boota aia taanga ni buaka ae e korakora. Teuana mai buakona e na oro ni kaitiaki n ai aron te ieka ma ni buakana aia nono.

Taniera 11:17

“Ao e na baairea te m'ananga uean Tuuria, ao e na kairiia ana taanga ae e b'anin. Ao i mwiina, e na karaoa te reitaki ma ngaia n anga natina te aine b'a buuna, ma e na bon aki nakoraoi ana iango aei.

Taniera 11:22

Ngkana iai ane e kakaitaraa, e ngae ngkana ana ibonga te Atua ae e rietaata, e na boni karenakoaki naba ma ni kamaunaaki.

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 9:27

E na karaoa ana boraraoi te tia tautaeka ma aomata aika a m'aiti i nanon itiua te ririki, ao ngkana e a kaania banen iteran te tai, ao e na katoki taian angakarea ma taian angab'ai. E na katokaaki te b'ai are moan te kakamaaku i taubukin te Tembora, ao e na tiku ikekei n aron are e a tia ni baaireia te Atua i bukina.

Otea 1:9

Ao E a manga taku te UEA, “Aranna b'a Roo-Ammi, b'a bon tiaki Au aomata aikai, ao tiaki Atuaia Ngai.”

Amota 8:8

Ao e na m'aeiei aonnaba, ao a na bane aomatan Iteraera n taonaki n te rawawata. E na ruru aonteaba, e na iabutirake ma ni manga ora nako n ai aron te karaanga are te Naire.

Amota 9:5

E riinga aonnaba te UEA ae m'aaka, ao e ruru aonnaba. Ao a bane n tang ake a maiu. E a iabuti rake ma ni manga ora nako aonnaba, n ai aron te karaanga are te Naire.

Naum 1:8

E kamaunaia ana kairiribai n ai aron rokon te ieka. E kamateia ake a kakaitaraa.

Mataio 22:2

E a kona ni kabotauaki Uean te Atua b'a kaanga ai aron te uea, are karaoa te am'arake ni baka i bukin natina te mm'aane.

Mataio 22:7

E un te uea, ao e kanakoia ana tautia, ao a tiringiia taani kamamate akekei, ao a kabuoka aia kawa.

Mataio 23:38

Noria, e nang kitanaki ami um'antabu, ao a nang akea kaaina.

Mataio 24:2

Ao E kaekaia Iesu ni kangai, “Tiaki kam nori baikai ni kabane? E koaua ae I a tuangngkami b'a ane e na bon aki tiku ikai te atibu teuana i aon te atibu teuana; a na bane ni kab'akaki.”

Mareko 13:2

E kaeka Iesu ao E taku, “Ko nori auti aika ab'ab'aki aikai? Akea te atibu teuana ae na tiku ni nnena, b'a a na bane ni kab'akaki.”

Mareko 13:7

Ao ngkana kam ongo rongorongoni bo ni buaka aika kaan ma aika raroa nako, ao kam na aki maaku. Ane a na roko baikanne, ma e tuai n roko te toki.

Mareko 9:12

Ao E taku nako ia, “E na bon roko moa Eria b'a e na katauraoi b'aai ni kabane. Ma e aera ngkae e koreaki n te B'aib'ara b'a e na kabatiaki karawawatan Natin te Aomata, ao E na ribaaki?

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Ruka 21:6

“Ni kaeti ma b'aai aika kam noori aikai, ane a na roko boong are e na aki noraki n tiku ikai te atibu teuana i aon teuana. A na bane ni kab'akaki i aontano.”

Ruka 24:26

Tiaki e riai b'a E na karawawataki ni baikekei te Kristo, ao b'a E na rin i nanoni mimitongina?”

Ruka 24:46

ao E taku nako ia, “E koreaki ae kangai, b'a e riai b'a E na karawawataki ni kamateaki te Kristo, ao E na manga uti mai buakoia maate n te katenibong;

Ioane 14:30

N na aki kabatia te taetae ma ngkami, b'a ae e a nako mai te tia taua taekan te aonnaba aei. Akea m'akana i aou;

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

1.Betero 2:21

B'a kam weteaki nako iai: b'a E kamarakaki naba Kristo i bukimi, ao E katuka nakoimi te aro ae kam na kakairi iai, b'a kam aonga n tou mwini m'anekana.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;