Taniera 9:25 - Te B'aib'ara

²⁵ Karekea i nanon te baei, ao ataa nanona: Maanin te tai man te tai are e nako iai te kaetieti i bukin manga katean Ierutarem ni karokoa rokon ana tia kairiiri te Atua ae e rineaki, e na riai n tia ni koro itiua m'aitin itibwi te ririki. E na manga kateaki Ierutarem ma kawaina, ao nonona aika a mamatoa, ao e na tei i nanon itiua kam'aitia ma onobwi ma uoua te ririki, ma e na riki b'a tain te kabuanib'ai te tai anne.

Taniera 9:25 ပူးပေါင်းရင်းမြစ်များ

2.Tamuera 15:25

Ao e taku Tawita: Tatoka, kaoka te Atiniberita nako Ierutarem. Ngkana arona b'a e kukurei te UEA irou, ao e na manga kaokai b'a N na manga konaa n nooria riki ma Ana autinrianna.

Etira 4:24

A kairoroaki taian Iutaia b'a a na katoka te m'akuri i aon te Tembora, ao akea te b'ai ae a konaa ni manga karaoia ni karokoa te ririki are i mwiin rikin Taraiati b'a te uea i aon Botia.

Etira 7:1

I mwiin ririki aika bati, ngke e uea Atatokititi i aon Botia, ao iai te m'aane ae arana Etira. E kataia ni kakae nako rongorongon rikiia ana bakatibu ni karokoa teuare Aron, mataniwiia ibonga, n aron aio: Etira bon te m'aane ae natin Teraia, natin Ataria, natin Irekia,

Etira 7:8

E buoka Etira te Atua, ao e roko i Ierutarem ni moani bongin te kanimaua n nam'akaina

Neemia 3:1

Aikai aomata ake a buoka manga katean oon ao Mataroan nako Ierutarem: Te ibonga ae e rietaata are Eriatiba ao ibonga ake tekorakina a manga katea te Mataroa are Tiibu ao a katinetinei mataroana. Ao i mwiina, a katabua te Mataroa are Tiibu ao m'akoron te oo ni karokoa te Taua are Tebubua ao te Taua are Ananera.

Neemia 4:2

Ao e taku i mataia raoraona ao ana taanga ni buaka Tamaria, “Tera ae a kataia ni karaoia te koraki ni I-Iutaia aika a mamaara aikai? Tao a taku b'a a konaa ni karaoa te b'ai man taiani b'ariko n atiibu aikai?”

Neemia 4:8

ao a iangoia b'a a nang karika te kiriwe, ma ni buakaniia kaain Ierutarem.

Neemia 6:15

Ao ni kauabwi ma nimauan bongin te nam'akaina ae Erura, ao e a bane iai manga karaoan te oo. E kabanea nimabwi ma uoua te bong.

Taian Areru 71:10

A taekinai au kairiribai; A ikotaki ni maroroakina aroni kam'aneau b'a a na kamateai.

Te Minita 3:3

te tai n tiritiri ao te tai ni kakamaiu, te tai n urub'ai ao te tai ni kateib'ai,

Itaia 55:4

I karikia b'a te tia kairiiri ao te tia tautaeka i aoia botannaomata nako; ao bon ngaia au tia kakoaua nakoia.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Taniera 8:11

Ao bon akea naba karinean mataniwiin te taanga ni buaka mai karawa i rouna, e katoka te angakarea are e katoa bong nakon te Atua, ao e uruaka te Tembora.

Taniera 8:25

A nanakoraoi ana m'akuri nako ni mamanibuaka, i bukina ngke bon te aomata ae te tia kam'ane ngaia. E kamoamoa i aon rab'atana, ao e tiringiia aomata n akea te katauraoi. E na boni kaitaraa naba te UEA are e korakora i aon b'aai ni kabane, ma e na bon tiringaki, tiaki ni bain te aomata.

Taniera 9:23

Ngke ko a tib'a tabe ni kairoroa te Atua, ao e a kaekako naba. E tangiriko, ao ngaia ae I a roko n tuangko boon am tataro. Ao kakauongo raoi ngkana I kab'ara nanon te kaotioti.

Mika 5:1

Bootia am taanga ni buaka ngkoe ae Ierutarem, b'a ko a katobibiaki irouia am kairiribai. A tia ni buakana Iteraera, ao a orea taban te Tia Tautaeka n te kai.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mataio 13:23

Ao are unikaki n te tano are raoiroi bon ane ongo ana taeka te Atua ao e ata nanona; ao e kaoti uaana b'a tatabe bubua ke kaka onobwi ke kaka tenibwi.

Mataio 24:15

Ma ngaia aei, ngkana kam nora te baere kakamaaku are e taekinna Taniera are te burabeti, b'a e tei n te tabo are tabu n te um'antabu (ke e ataia te tia wareware),

Mareko 13:14

“Ngkana kam nora te ‘Baere Kakamaaku’ b'a e tei n te tabo are e riai n aki mena iai.” Ke e ataia ane wareware b'a e na ota raoi n nanon aei! “Ao akana mena i Iutaia n te tai arei, ke a biri nako nakoni maunga.

Ioane 1:41

E reke moa i rouna tarina are Timon, ao e taku nakoina, “E a reke iroura te Mesia.” (ae nanona “Kristo.”)

Ioane 4:25

E taku te aine nakoina, “I ata ae E nangi roko te Mesia (are te Kristo); ao ngkana E roko, ao ane na tuangiira b'aai ni kabane.”

M'akuri 3:15

ao kam kamatea Uean te maiu, are E a manga kamaiua te Atua mai buakoia maate, ao bon taani kakoaua ngaira nakoni baikai.

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

M'akuri 8:30

Ao e biri Biribo ni kaea mwin te ka arei, ao ngke e roko i rarikina, ao e ongo b'anaan te iunaki arei ngke e wareka ana boki te burabeti are Itaia. Ao e taku Biribo nakoina, “Ko ata nanon ane ko warekia?”

I-Ebeto 5:16

Kam na kabongana te tai ane kona n reke iroumi i bukini karaoan ae e raoiroi, b'a a buakaka aomata ni boong aikai.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.