Taniera 9:24 - Te B'aib'ara

²⁴ Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Taniera 9:24 ပူးပေါင်းရင်းမြစ်များ

2.Rongorongo 29:24

Ao a tiring taiani kooti ibonga ao a katimtim'a raraaia i aon te baonikarea b'a taian karea i bukin kab'araan aia bure Iteraera ni kabane, i bukina ngke e a kaman anga ana taeka Etekia b'a e na karaoaki taiani karea aikai i bukiia Iteraera ni kabane.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 45:7

Ko tangira te maiu ae e raoiroi, ao ko riba ae buakaka. Ao anne bukin ae E rineiko iai te Atua, ae Atuam; Ao E karaoiko b'a ko na kukurei riki nakoia uea nako.

Itaia 42:4

E na bon aki b'ara nanona ke ni kua ni karokoa e roko raoi te eti n te aonnaba ni kabane, ao a kariaria botannaomata nako nakon ana reirei.

Itaia 51:6

Karaua n taraa karawa! Tarai aonnaba. E na mauna nako karawa kaanga te bubu; ao e na mangaingai te aonnaba kaanga taiani kunnikai. A na bane ni mate aomata aika i aon te aonnaba kaanga taian nango. E na akea tokin au tokanikai; ao e na teimatoa m'aakau ni kakamaiu.

Itaia 51:8

A na kanaki nako kaanga te kunnikai ae e kanaki n te koa. Ma n tokin au tokanikai; ao e na teimatoa m'aakau ni kakamaiu.

Itaia 56:1

E taku te UEA: Ko na maiuna te raoiroi ao te eti! N na roko ni kamaiuko n te tai ae e waekoa; e na nooraki m'aakau ni kakamaiu n taabo nako n te aonnaba.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

B'aeb'aeti 4:22

E a tia ni b'ara ana bure Tion; E nang kab'araira te UEA man te kataenikaiaki. Ma e na bon katuaeko te UEA ngkoe ae Etom, E na katereterei am m'akuri aika a kaairua.

Etekiera 28:12

Etekiera ae natin te aomata, ko na anenea te kuna ni mate i bukin uean Turo ao ko na tuangnga au taeka ae e kaangai: N te tai teuana, ko rangi n raoiroi, rabakau, ao ko rangi n taraa raoi.

Etekiera 4:5

teuana te bong i bukin teuana te ririki ni karawaawataaki.

Etekiera 4:6

I mwiina, ko na manga rairaki ni wene i aon iteram ane te atai i nanon abwi riki te bong. E na riki b'a kanikinaean katuaaean Iuta, teuana te bong i bukin teuana te ririki ni karawaawataaki.

Nakoaia Ibonga 25:8

E taku te UEA nakoia ana Aomata: Ni katoa abwi ma ruaiwa te ririki

Nakoaia Ibonga 8:15

Ao e tiringa te man Moote, ao e anaa raraana teutana, ao e kateboa tabonibaina iai, ao e kararaaea koonan te baonikarea ake aua iai, b'a kaanga katabuana. Ao e a kabanea ni kab'aroa nikiran te raraa i oin te baonikarea. Ao anne arona ni karaoa te katabu ma te kaitiaki.

Tekaria 4:14

Ao i mwiina, e a tuangai ni kaangai, “M'aanga aika uoua aikai bon taani kairiiri aika uoman aika a rineaki are e tei i rarikin te UEA n te aonnaba ni kabane.”

Warekaia Iteraera 14:34

N na boni karawawata tuaami ni katoabong i nanon abwi te ririki. Teuana te ririki i bukin teuana bongin tuoan ngkoa te aba arei.

Mataio 1:21

Ane e na bungia te nati te mm'aane, ao ko na aranna b'a Iesu, b'a Ngaia ae na kamaiuia aomata man aia bure.”

Mataio 11:13

B'a a bane burabeti ma te Tua ni karokoa Ioane n taekini b'aai aika na riki.

Mataio 4:5

Ao e kairia ngkanne te riaboro nako Ierutarem, ao e kateia n te tabo ae te kabanea n rietaata i taubukin te um'antabu,

Mareko 1:24

“Tera am b'ai i roura, Iesu, ae te I-Natareta? Ko nako mai b'a Ko na uruira? I kinako b'a Teuare Moan te Raoiroi Ngkoe, are mairoun te Atua.”

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ruka 21:22

B'a aei te tai are E na karawawataki iai Iteraera iroun te Atua, b'a e na kakoroaki nanon are koreaki n te B'aib'ara.

Ioane 1:41

E reke moa i rouna tarina are Timon, ao e taku nakoina, “E a reke iroura te Mesia.” (ae nanona “Kristo.”)

Ioane 3:34

B'a Teuare E kanakoa te Atua ao boni Ngaia ae E taekin ana taeka te Atua, i bukina b'a E anganaki te Tamnei iroun te Atua n aki tiatianaki.

M'akuri 3:14

B'a kam kakeaa Teuare Raoiroi, are kabanea maiuna i bukin te Atua, ao kam tua b'a kam na anganaki te aomata ae te tia tiritiri,

M'akuri 3:22

B'a e kaangai Mote, “Ane E na kateirakea te burabeti temanna te UEA ae te Atua i bukimi mai buakoia ami botannaomata, b'a ai arou; kam na ongo i rouna ni b'aai ni kabane akana E na atong nakoimi.

M'akuri 4:26

A katauraoia uean aonnaba, Ao a botaki mataniwin tautaeka, b'a a na eekaanako te Uea ma ana Kristo.

I-Rom 5:10

B'a ngke bon ana kairiribai te Atua ngaira, ao ti raoiakinaki ma te Atua ni maten Natina; ao ai batiraa riki ngkai arora ni kamaiuaki ni maiura, ngkai ti a tia n raoiakinaki!

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.

I-Korote 1:20

ao bon nanona naba b'a E na raoiakini b'aai ni kabane nako Ina i Rouna, aika i aon te aba ma ake i karawa; ao E karaoa aei ni maten Natina i aon te kaibangaki.

I-Korote 2:14

ao E kamaunai taekan ara tarau ake a tei i aan arara ma tuaia ake ti kabaeaki iai, ao E kariki n akea nanoia ngke E bobiti ni kanim n te kaibangaki;

Ebera 10:14

B'a n te karea ae ti teuana, ao E karaoia iai aika a tia ni kaitiakaki man aia bure b'a a na moa n raoiroi n aki toki.

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

Ebera 9:26

B'a ngke aroni Kristo anne, ao e na bon okioki marakina ni moa mani karikan aonnaba. Ma ngkai, ngkai e nangi roko tokin te tai ao E a ti kaoti ti te teuana te tai ao akea riki, i bukina b'a E na kamaunaa te bure n arona n anga Ngaia b'a te karea.

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

1.Ioane 3:8

ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.