Taniera 9:22 - Te B'aib'ara

²² Ao e taku, “Taniera, I roko b'a N na buokiko ni kab'araa nakoim nanon te taetae ni burabeti.

Taniera 9:22 ပူးပေါင်းရင်းမြစ်များ

Taniera 10:11

Ao e taku te anera nako iu, “Taniera, e tangiriko te Atua. Teirake ao ongora raoi nakon te b'ai ae N na taekinna. I kanakoaki nakoim.” Ao ngke e a tia n taekina arei ao I teirake, ao I bon ruru naba.

Taniera 10:12

Ao e taku nako iu, “Taniera, ko na aki maaku. E ongo am tataro te Atua ni moa man te tai are ko a tib'a iangoa iai reken am atatai. Ao I a roko ngkai i bukin kaekaan am tataro.

Taniera 10:14

I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”

Taniera 10:21

Ao i mwiin anne, e na kaoti aneran Kuriiti. Bon akea ae e na buokai b'a bon ti Kabiriera, are te anera are e teiakina Iteraera.

Taniera 7:16

Ao I waerake nakon temanna i buakoia ake a teitei ikekei, ao I butiia i bukin kab'araan nanona ni kabane. Ma ngaia are, e a tuangai nanona.

Taniera 8:16

Ao I ongo te b'anaa ae e weewete i aon te karaanga are Urai ae e kaangai, “Kabiriera, kab'arai nanoni kaotioti nakon teuanne.”

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

Tekaria 1:14

Ma ngaia are, e tuangai te anera b'a N na katanoata: I rangi n kakaawakina Ierutarem Ngai ae te UEA ae Moan te M'aaka.

Tekaria 1:9

Ao e mena naba ikekei te anera are e na kab'arab'arai b'aai ni kabane nako iu, ao I titiraki ni kaangai, “Teuae ko karineaki, antai taan toka i aoia aoti aikai?” Ao E taku te anera arei, “N na taekinna nakoim.”

Te Kaotioti 4:1

I mwin norani baikai ao I taratara nako, ao noria, te mataroa ae uki i karawa, ma te b'anaa are I ongo rimoa, are kanga ai aroni b'anaan te bu are taetae ma ngai, ae kaangai, “Mai rierake, ao N na kaoti nako im baika na bon riki i mwini baikai.”