Taniera 9:21 - Te B'aib'ara

²¹ Ngke I tabe n tataro, ao e kibarikaaki Kabiriera are I nooria ngkoa n te kaotioti are mai m'aiina, n roko nakon te tabo are I mena iai. E a boo tain te angakarea arei n te tairiki.

Taniera 9:21 ပူးပေါင်းရင်းမြစ်များ

1.Uea 18:29

ao ai bon aroia naba anne ni karokoa e a b'akataai. Ma bon akea naba te kaeka teutana nakoia.

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

Taian Areru 103:20

Karaoiroa te UEA, ngkami aika anera aika kam korakora, Aika kam ongeaba nakon ana taeka ao kam ongora n te bae E taekinna.

Taian Areru 104:4

Ko kabonganai aang b'a taan ua-rongorongo i bukim; Ao kiakianakon ootan te iti b'a am Tia m'akuri.

Taian Areru 141:2

Butim'aea au tataro b'a kanga te karea ae boiarara, ao baiu aika tabekaki rake b'a kanga te karea n te tairiki.

Te Otinako 29:39

temanna n te ingabong ao temanna n te tairiki.

Itaia 6:2

Ao a kibakiba ietana b'aai aika a maiu aika a ura aika kakaoneai baiia ni kiba n tatabemaniia nako. A rabuni mataia ni baiia ni kiba ake uaai ao a rabun rab'ataia n ake uaai, ao a kamanenai baiia riki ake uaai ni kibakiba iai,

Etekiera 1:11

Uaai bain maan akekei aika taakinaki nako ni bo ma baiia maan ake n iteraia ake uoua. Ao baiia riki ake uaai a rukumaki n nim ma rab'ataia.

Etekiera 1:14

A m'ananga maan akekei ni kewa kaanga kiban te m'akaro man te ai.

Etekiera 14:14

E ngae ngkana a maiu Nooa, Taniera, ao Iobi i buakoia te botannaomata, ma e na bon aki kamaiuaki naba temanna n aia kakaonimaki ma bon ti ngaiia.

Taniera 10:10

Ao e tauai te bai n eutai rake teutana nako aon bubuan waeu ma baiu; ao I bon ruru naba.

Taniera 10:16

Ao e riinga riau te anera are kaanga ai aron taraan te aomata. Ao I taku nakoina, “Nao, E anaa korakorau te kaotioti aei n te aro are I aki kona ni katoka rurun rab'atau.

Taniera 10:18

Ao e a manga riingai riki ao I a namakina reken korakorau.

Taniera 8:16

Ao I ongo te b'anaa ae e weewete i aon te karaanga are Urai ae e kaangai, “Kabiriera, kab'arai nanoni kaotioti nakon teuanne.”

Taniera 8:18

Ao ngke e tabe n taetae, ao I b'aka n tong i aontano. Ma e tauai ni baina, ao e kateirakeai. Ao e taku, “N na kaoti nakoim baika a nang riki i bukin unin te Atua. E kaineti te kaotioti anne nakon tain te toki.

Mataio 27:46

Ao ngke tao te aoa tenua, ao E takarua Iesu n te b'ana ae korakora, ni kangai, “Eri, Eri, ram'a tab'aketani?” ae nanona, “Atuau, Atuau, E aera ngkai Ko kitanai?”

Ruka 1:19

E kaeka te anera ao e taku, “Kabiriera ngai, ae ana tabonibai te Atua; ao I kanakomaiakaki b'a N na taetae nako im, ao b'a N na uota te rongorongo ae raoiroi aei nako im.

Ruka 1:26

Ngke ai ana kaonoua n nam'akaina Nei Eritabeta ao E kanakoaki te anera are Kabiriera mairoun te Atua nakoni kaawan Kariraia ae arana Natareta,

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

M'akuri 10:9

Ngke e a ingabong, ngke a m'ananga i aoni kawaia ao a kaania te kaawa, ao e rierake Betero nako aon taubukin te auti b'a e na tataro iai, tao e a tawanou.

M'akuri 12:7

Ao akea b'a e roko ana anera te Atua, ao e oota te oota i nanon te karabuuti; ao e orea rarikini Betero te anera ni kautia, ao e kaangai, “Kawaekoako! Teirake!” A b'aka taurekereke mai baini Betero n te tai naba arei.

M'akuri 3:1

Ao e nako n te Tembora Betero ma Ioane n tain te tataro are te aoa tenua n te tanimaeaontaai.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Ebera 1:7

Ao E taekinia anera te Atua ni kangai: “E karaoia ana anera b'a aang, ao ana tia m'akuri b'a uran te ai.”

Te Kaotioti 9:17

I nooriia aoti ma ake a toka i aoia, ni miiu, b'a aikai aroia: iai otangani b'ab'aaia aika uraura n ai aron uraurani matan te ai, ao aika buruu n ai aron te uakinto ao aika babobo n ai aron te burimton; ao atuia aoti ai aron atuia raian, ao a oti nako mai wiia te ai ma bubuna ma te burimton.