Taniera 9:2 - Te B'aib'ara

² Ao I kamateb'aii booki ake a tabu i nanon ana moan ririki ni uea, ao mani iangoa naba rokon te itibwi n ririki are e na mauna iai Ierutarem, n aron ana taeka ngkoa te UEA nakon te burabeti are Ieremia.

Taniera 9:2 ပူးပေါင်းရင်းမြစ်များ

2.Rongorongo 36:21

E a riki Iuta b'a te rereua ae akea kaaina, ao e tiku n arona anne ni karokoa itibwi te ririki, ni kakororaoi ririki ni kabane ake e aki kariaiakaki b'a e na motirawa iai. A riki baikai n aron are e tia n taekinna

Etira 1:1

N ririki ake ngkoa, ao te UEA e kanakoa Ieremia ma rongorongon te berita b'a a na kainaomataaki Iteraera mai B'aburon i mwiin itibwi te ririki i bukiia Iteraera. Ao n ana moan ririki Tairati ni uea i aon Botia, ao e kakoroa nanon ana berita te UEA ngke e karekea Tairati b'a e na kanakoa ana rongorongo ae e taabangaki ataakina ni kabutaa m'akoron nako abanueana:

Taian Areru 119:24

A kakukureiai am Taeka n reirei, ao a anganai naba taeka ni buobuoki.

Itaia 64:10

A tia n riki b'a n rereua am kaawa nako, ma ai ti Ierutarem nikirana.

Ieremia 1:1

Arau bon Ieremia. Bon te ibonga ngai, ao tamau bon Irekia ao a bane kaain au utu n nako mai Anatota are n aban te baronga are Beniamin. Kanoan te boki aei bon taekan b'aai aika E taekin te UEA nako iu.

Ieremia 25:18

I moanna mai Ierutarem ao kaawan nako Iuta, ao a bane ni keerikaaki man m'aakaia ma te b'ainrang te uea ma ana mataniwi nako. Ao a bane aomata ni manikangare ni kamamaaia i bukiia ma ni karika araia b'a taeka ni kamaraia.

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 27:7

A na bane ni m'akuri i bukina botannaomata ni kabane, ao a na m'akuri i bukin natina te mm'aane ma tibuna te mm'aane ni karokoa te tai are e na b'aka iai oin ana botannaomata. Ao i mwiina, ane a na m'akuri ana botannaomata i bukiia botannaomata aika a korakora ma uea aika a kakannato.

Ieremia 29:10

I mwiin rikin B'aburon b'a te kabanea ni korakora ni botannaomata i nanon itibwi te ririki, ao N na manga akoingkami ma ni kaokingkami nako Ierutarem.

Ieremia 7:34

Ngkana e a bane te b'ai are N na karaoia nakon abami, ao ane e na akea te b'anaa ae e konaa n ongo te aba ni b'ain nako Ierutarem ake a uruaki ma kaawan Iuta, akea te b'anaa ni kukurei, akea b'anaan te bootaki ni kukurei ke karongoaan te bootaki ni mare.

B'aeb'aeti 1:1

E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

Etekiera 29:11

E na bon akea naba aomata ke te man ae e na kataia ni m'ananga nako Aikubita, i bukina b'a akea kanikinaean te maiu iai i nanon abwi te ririki.

Taniera 9:3

Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Tekaria 1:12

Ao e taku te anera i bukin arei, “Te UEA ae Moan te M'aaka, Ko a tia n un iroun Ierutarem ma Iuta i nanon itibwi te ririki. N ningai te tai ae Ko na nanoangaiia iai?

Tekaria 7:5

I nanon itibwi te ririki ao kam a tia n aki mamatam i nanon te kanimaua ao te kaitiua n nam'akaina n te ririki. Ma kam bon karaoia raoi i buku?

Mataio 24:15

Ma ngaia aei, ngkana kam nora te baere kakamaaku are e taekinna Taniera are te burabeti, b'a e tei n te tabo are tabu n te um'antabu (ke e ataia te tia wareware),

Mareko 13:14

“Ngkana kam nora te ‘Baere Kakamaaku’ b'a e tei n te tabo are e riai n aki mena iai.” Ke e ataia ane wareware b'a e na ota raoi n nanon aei! “Ao akana mena i Iutaia n te tai arei, ke a biri nako nakoni maunga.

M'akuri 8:34

E titiraki ngkanne te iunaki nakoni Biribo ao e kaangai, “I butiko b'a e taekina aei te burabeti i bukin antai? I bukina, ke i bukin temanna?”

1.Timoteo 4:13

Ko na tabe ma warekan te B'aib'ara, te kab'arab'ara, ao te reireiia aomata ni karokoa rokou.

Te Kaotioti 1:3

E a kab'aia ane wareki taeka ni burabeti aikai, ao a kab'aia naba akana ongo, akana kawakini baika koreaki i nanon te boki aio; b'a e a kaan te tai are a na riki iai baikai.