Taniera 9:18 - Te B'aib'ara

¹⁸ Ongo iroura te Atua; taraira ao noori ara kaangaanga aika ti mena i buakoia, ao rawaawatan te kaawa are e uouota Aram. Ti tataro nakoim i bukina b'a Ko akoi, tiaki i bukina ngke ti a tia ni karaoa te eti.

Taniera 9:18 ပူးပေါင်းရင်းမြစ်များ

1.Uea 8:29

Bon aei te Tembora are Ko rineia b'a nnem n taromauriaki. Taiaoka tararuaia ni bong ao ni ngaina ao ongora ngkana I nakomai n tataro.

2.Uea 19:16

Ma Ko na tii taraa ana m'akuri Tennakeriba ni kakaewenakoko, ngkoe ae te Atua ae Ko maiu.

Taian Areru 116:1

I tangiriko te UEA, B'a ko ongo b'anaan au tataro.

Taian Areru 25:6

Te UEA, ururing arom n akoi ma n tangira ake ko a tia ni kaotii ngkoangkoa.

Te Otinako 3:7

Ao E taku te UEA: I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia,

Itaia 37:17

Ko na bon noora ana m'akuri Tennakeriba ni kabuakakako, ngkoe te Atua ae e maiu.

Itaia 43:7

Bon au aomata I karikiia n tatabemaniia nako b'a a na karineai.”

Itaia 64:12

Ko na kariaia b'a ti na tekateka ikekei ao ni kamarakiira riki ngkana ko noori baikai?

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Ieremia 14:7

Tiaki mutiakiniko ao ti karaoi baika a rangi ni buakaka ma e riai b'a ti na katuaaeaki. Ma ngkana Ko kamaiura, te UEA, ao a na bane n noora korakoram aomata ni kabane.

Ieremia 14:9

E koaua b'a e kakubanako te kabuanib'ai aei? Te tia buaka Ngkoe ae e kabaeaki baim? Ko rineira, ao e mena ikai am Tembora. Ko na aki kiitaniira!

Ieremia 15:16

I rangi n ongotaeka, ngke Ko taetae nako iu, i bukina ngke bon Am b'ai ngai, te UEA ae Moan te M'aaka.

Ieremia 25:29

Ni moa man oin Au kaawa ae Ierutarem, a na bane aomata nako ni karawawataaki n te buaka. Ma ngaia are, bon akea te kawai ae kam na konaa iai biri nako man te kabuanib'ai.”

Ieremia 36:7

E bono nanon te UEA, ao ngkana a ongo aomata arona ni katuaaia, ao tao a na bae ni buubuti kab'araan aia bure.

Ieremia 37:20

I buutiiko b'a ko na aki kaokai nakon te karabuuti arei are ana auti Ionatan. N na bon mate ngkana ko karaoa anne.”

Etekiera 36:22

ma ngaia are, ko na tuangiia Iteraera Au taeka ae e kaangai: Kam a tia ni kamatauningaa arau ae e tabu i buakoia botannaomata nako ake kam maeka i buakoia ngkai. Ma ngaia ae, e bon riai n aki reke nakoimi te b'ai ae n nang karaoia ngkai nakoimi. N na kaokingkami nakon mwengami ti i bukin karinean arau

Etekiera 36:32

Kaain Iteraera, I aki karaoi aikai i bukimi. Kam aki toki ni bubure nako iu, ao kam bon riai ni kamaamaaeaki ao ni kab'ainrangaki n te b'ai ae kam a tia ni karaoia. Bon aei au taeka Ngai ae te UEA ae te Atua.

Taniera 9:7

Ko kakaraoa ae eti Ngkoe ae te UEA n taai nako, ma ti boni kamamaaira i boni iroura. Bon aei ae ti kakaraoia ngaira aika ti maeka i Iuta, i Ierutarem, ao Iteraera ake a maenako n aaba tabeua aika a kaan ao aika a raroa i bukina b'a a aki kakaonimaki nakoim.

Warekaia Iteraera 6:27

Ao E taku te UEA, “Ngkana a butiai Aaron ma natina mm'aane i bukin kakab'aiakiia Iteraera, ao N na anganiia Au kakab'aia.”

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.