Taniera 9:16 - Te B'aib'ara

¹⁶ Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Taniera 9:16 ပူးပေါင်းရင်းမြစ်များ

Neemia 9:8

Ko karaoa am boraraoi b'a Ko na anga abaia kaain Kanaan ao kaain Eta, kaain Ammon ao Beritaite, ao kaain Iebuti ao kaain Kirekata nakoia ana kariki i bukina ngke e kakaonimaki Ao ngkai, Ko a tia ni kakoroa bukin am berita n aron are Ko boni kaakaraoia.

Taian Areru 143:1

Te UEA, Ko na ongo au tataro! Te Atua ae Ko raoiroi ma ni kakaonimaki, Ko na ongora n au bubuti!

Taian Areru 31:1

Te UEA, I nakoim i bukini kamanoau; N na bon aki maneang iroum. Kamaiuai ngkai te Atua ae e raoiroi Ngkoe.

Taian Areru 41:13

E na karaoiroaki te UEA, ae Atuaia Iteraera! E na karaoiroaki ngkai ao n aki toki! Amen! Amen!

Taian Areru 71:2

Ko na buokai ni kamaiuai i bukina ngkai Ko raoiroi. Ongo irou ao kamaiuai!

Taian Areru 79:4

A taetae ni kabuakakaira botannaomata aika maeka i rarikira; A ngareakinira ao a kakanikoira.

Taian Areru 85:4

Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Taian Areru 89:51

Te UEA, a taetae n iowawa am Kairiribai nakon te uea are Ko rineia! A taetae nakoina n te aro anne ike e nako iai.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 32:31

A a tia ni kaunai kaain te kaawa aei ni moa man te tai are e moan kateaki iai. I a tia ni baaireia b'a N nang urua

Ieremia 32:32

i bukin m'akuri aika a buakaka ni kabane aika a tia ni karaoaki irouia kaain Iuta ma Iteraera, n reitaki ma ibonga ma burabeti.

Etekiera 22:4

A tia buure aikai ni karekeingkami n te bure, ao a tia taiani bouannanti ni karaoingkami b'a kam na aki tau i buku. Ma ngaia ae e a kaan katuaaeakimi are te kabane. Ane a na ngareakiningkami botannaomata ake tekorakina ao a na taetae ni kabuakakaingkami,

Etekiera 5:14

A na bane ni ngare aika a rirarikimi n te urub'ai ae e riki nakoimi. Ane a na kamamaaeingkami

Taniera 11:45

Ane e na katea ana um'anrianna n uea ae e korakora i marenan taari ma te maunga n te tabo are e tei iai te Tembora. Ma ane e na mate, ao bon akea temanna ae e na buokia.”

Taniera 9:20

Ao I boni waakina naba au tataro, ni kaoti au bure ao aia bure Iteraera, ao ni kairoroa te Uea ae te Atua b'a e na manga kaokaki te Maunga are e tabu.

Ioera 3:17

Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

2.I-Tetaronike 1:6

B'a te b'ai ae riai iroun te Atua b'a E na karawawataia te koraki ake a karawawataingkami;

1.Ioane 1:9

Ngkana ti kaoti ara bure, ao E kakaonimaki b'a E na boni kab'arai ara bure ma ni kaitiakiira man te buakaka ni kabanea ngkai E atataiaomata.

1.Tamuera 2:7

Ara UEA boni Ngkoe ae Ko karikiira b'a kaub'ai ke taiani kainano. Ko kamenakiia tabeman ni m'akuri aika rietaata ao Ko kab'akaia tekorakina.