Taniera 9:15 - Te B'aib'ara

¹⁵ Te Atua ae te UEA, ko kaota m'aakam ngke Ko kaotinakoira mai Aikubita, ao e bon teimatoa n uringaki m'aakam. Ti a tia ni bure; ti a tia ni karaoa te kaairua.

Taniera 9:15 ပူးပေါင်းရင်းမြစ်များ

1.Uea 8:51

Uringnga b'a bon aomata ngkoa ake Ko rineia ao Ko kamaiuia mai Aikubita are kaanga te ai ae e uram'aaka nakoia.

2.Uea 21:15

A tia ni karaoi b'aai aika I ribai au Aomata ao a bon teimatoa naba ni kamaraka nanou ni moa man te tai are a kiitana iai Aikubita aia bakatibu.

2.Rongorongo 6:37

Rimwi, a manga namakina aia bure n te b'ai are a tia ni karaoia ao a manga bubuti kab'araan aia bure.

Neemia 1:10

Ara UEA, I tataro i bukiia am toro, koraki ake Ko a tia ni kamaiuia ni korakoram ao m'aakam ae e korakora.

Neemia 1:6

Bon am toro ngai, ma ngaia ae, I butiiko b'a ko na nanoangaai ao kaekaa au tataro ae I tataro iai ni bong ao ni ngaina i bukiia Iteraera aika a beku i bukim. I a bon tia ni bure ma au utu ao aomata ni kabaneia

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Taian Areru 106:8

Ma E kamaiuia i bukini karinean arana, B'a E aonga ni kaota m'akana.

Te Otinako 13:14

Ngkana a titirakiningkami natimi mm'aane n taai aika a na roko b'a tera te botaki aei, ao kam na kaangai, ‘E kamaiura te UEA ni m'aakana ae korakora, ni kaotinakoira mai Aikubita are te tabo are ti toronaki iai ngkoa.

Te Otinako 13:16

E na riki te botaki aei b'a te b'ai ni kauring, kaanga aron te b'ai ae kabaeaki i aon te bai, ke i aon toan te ram'a. E na boni kauringiira aron te UEA ni kaotinakoira mai Aikubita ni m'aakana ae korakora.

Te Otinako 13:3

Ao E taku Moote nakoia aomata, “Kam na ururinga te bong aei, te bong are kam kiitana iai Aikubita, are te tabo are kam toronaki iai. Bon aio te bong are E kaotinakoingkami iai te UEA ni m'aakana. Bon akea te kariki ae karikaki ae na kanaki.

Te Otinako 13:9

E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora.

Te Otinako 14:18

Ngkana I konaiia, ao a na bon ataia iai kaain Aikubita b'a bon te UEA Ngai.”

Te Otinako 32:11

Ao e kataia Moote ni butiia te UEA ae te Atua b'a E na bita nanona: Ara UEA. Ko kamanenaa ngkoa korakoran m'aakam ni kaotinakoia aomata aika mai Aikubita. I butiko b'a Ko na aki un i rouia ngkai ma ni karaoi taekaia.

Te Otinako 6:1

Ao E taku te UEA ae te Atua nakon Moote: Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Itaia 55:13

Ane a na maiu taiani m'aiango ao taian motere i nanon taian tawaana ngkoa ake a onrake n taiani kai aika a kateketeke. Ao ane a na tei ni maiu aroka aikai b'a taian kabane nikira ni maiu aika taani kakoaua mimitongin te UEA.

Itaia 64:4

Bon ti ngkoe te Atua ae e tuai man nooraki ke n ongongo taekana ae e karaoi taiani kakai i bukiia taani ri mwiina.

Ieremia 14:20

Ti a tia ni bure nakoim ma ara bakatibu.

Ieremia 32:10

I tiainaia ao I kanikinaea mwiin te m'akuri, ao I anga b'a e na kakoauaaki, ao I katinea rawaawatan te m'ane i aon taiani kainikatine.

B'aeb'aeti 3:42

Ti a tia ni bure, ao ti a tia naba ni kaaitarako te UEA, ao Ko tuai kab'arai ara bure.

Etekiera 5:6

Ma a kakaitaraai kaain Ierutarem ao a rawa n ongotaeka irou. A katinanikuia au tua nako ao a tia n korakora riki aia bure nakoia botannaomata nako akana i rarikina.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Ruka 15:21

E taku te nati nako ina, “Tamau, I a tia ni bure nakon Teuare i karawa ao nako im; I aki tau b'a N na atongaki b'a natim.”

Ruka 18:13

Ma te tia anai taekiti, e tei ni kararoa, ao e aki kan tabeki naba matana teutana nako karawa, ma e orea b'ab'ana ao e kangai, “Te Atua nanoangaai b'a te tia bure ngai!”

2.I-Korinto 1:10

are ti kamaiuaki i Rouna man te mate are moan te kakamaaku, ao E na boni manga kamaiura naba maiai; ti a tia ni kawenea ara kaantaninga i Rouna b'a E na boni manga kamaiura naba,

Te Tua-Kaua 5:15

E na kauringngkami te bong ni motirawa aei arou ngke I kanakoa baiu ae m'aaka ni kamaiungkami man te toronaki i Aikubita.