Taniera 9:14 - Te B'aib'ara

¹⁴ Te Atua ae te UEA, ko katauraoi nakon karekeani kaira, Ko karaoa anne i bukina ngke Ko boni karaoa ae e eti n taai nako, ao tiaki kan ongo iroum.

Taniera 9:14 ပူးပေါင်းရင်းမြစ်များ

2.Rongorongo 12:6

Ao a nanokawaki Reoboam ma ana taani kairiiri i bukin te b'ai are a tia ni karaoia ao a boni kakoaua ao a taku, “E bon eti te UEA. Ti a bon tia n tannako mai rouna.”

Etira 9:15

Te UEA ae Atuan Iteraera, ko bon moan raoiroi ngkai ko karaoia tabeman mai buakora b'a a na konaa n tiku ni maiu. Ma I kan taekinna riki b'a ara bure a rangi ni kamamaaira ni kawariko.

Neemia 9:33

Ko a tia ni kaakaraoa ae e eti ngkana ko katuaaira i bukin ara bure.

Taian Areru 111:7

E kakaonimaki n arona nako ao E b'ab'aina te eti; A onimakinaki ana taeka ni bane.

Taian Areru 116:5

E akoi te UEA, ao E raoiroi; E nanoanga Atuara.

Taian Areru 119:137

Te UEA, Ko raoiroi, ao a eti am Babaire.

Taian Areru 51:14

Te Atua, ae te Tia Kamaiuai, kawakinai man te bure ae kakaiaki, Ao N na kim'areirei n tataekina raoiroim.

Te Otinako 9:27

Ao e kanaanako ni weteia Moote ma Aaron te uea ao e taku, “I a tia ni bure nakon te UEA n te tai aei; e bon eti te UEA, ao I bure ma au aomata.

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Ieremia 31:28

Ni boong ake ngkoa, I baairea kouwaakaeaia, ma kab'akaia, ma uruanan aroia. Ma ngkana e roko te bong anne, ao N na manga baairea aron unikaia ao buokaia b'a a na rikirake.

Ieremia 44:27

N onea mwiin arou ngkoa are te tararuaingkami nakon tarataraan te tai are N na karaoa iai te kamaraki nako imi. Iai i buakomi aika a na mate n te buaka, ao tabem'aang a na mate ni baki.

B'aeb'aeti 1:5

A tokanikai aia kairiribai, a tauia i aan m'aakaia. E bon karawawataia te UEA i bukin aia bure; A tia n uotakinako ana ataei b'a taenikain te buaka.

Etekiera 16:43

Ko kaunai ngke ko karaoi baika a rangi n ribaaki aikai ni kabane ao ngke ko m'aninga arou ngke I tararuaiko ngke ko uarereke. Ao i mwiina, ko a manga kabuakakaai riki ngke ko a manga riki b'a ainen mataawa. Ko bon riai ni katuaaeaki! Bon aei au taeka Ngai ae te UEA ae te Atua.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Taniera 9:7

Ko kakaraoa ae eti Ngkoe ae te UEA n taai nako, ma ti boni kamamaaira i boni iroura. Bon aei ae ti kakaraoia ngaira aika ti maeka i Iuta, i Ierutarem, ao Iteraera ake a maenako n aaba tabeua aika a kaan ao aika a raroa i bukina b'a a aki kakaonimaki nakoim.