Taniera 8:8 - Te B'aib'ara

⁸ Ao e rikirake ni kamoamoa te kooti arei, ao e a uruaki korona i bukini korakoran m'aakana. Ao a manga kaoti aua te koro aika a teretere raoi n onea mwiina, ao a kotoi taabo aika a kakaokoro n tatabeua nako.

Taniera 8:8 ပူးပေါင်းရင်းမြစ်များ

2.Rongorongo 26:16

Ao e a rangi ni kamoamoa Utia i bukin m'aakana, ao aei ae e karekea b'akana. N te bong teuana, ao e a aki ongotaeka Utia nakon te UEA ae Atuana ngke e nako n rin te Tembora ao e kabuoka te b'ai ni kaboiarara b'a te angab'ai nako ina.

Etita 9:4

E a rangi n ataaki ngkai ni kabutaa te abanuea b'a e a rangi ni m'aaka Morotekai n te bareti ao e rikirake m'aakana.

Ieremia 49:36

A na buaka kairiribai man taabo nako, ao kam na kairaki nako b'a taenikai nako ia botannaomatan te aonnaba.

Ieremia 5:27

Kam buakaka, ao kam b'anganikewe ao ni kam'aam'ane i bukin karekean kaub'aimi i bon iroumi. Kam korakora

Etekiera 16:7

I aki tabe ma ngkoe, kaanga te aomata ae e tabeakina arokana ae e uarereke. Ko a ikawai ma n riki b'a te ataeinaine ae e botonaine ma mmamam aika a tamaroa ao iran atuum ae e m'arairai, ao ko bon beebekan naba.

Etekiera 28:9

Ko na bon teimatoa naba n taekinna b'a te atua ngkoe ngkana ko aitara ma aiam? A na buakaniko, ao ko na maraki kaanga aroia aomata tabem'aang.

Taniera 11:4

Ma e na uruaki ana tautaeka i bukin korakoran m'aakana, ao e na tib'aaki nakon aua te m'akoro. A na uea n onea mwiina n tautaeka n te bareti uea aika tiaki kanoana, ma a na bon aki roota aron korakorana.

Taniera 4:31

I m'aain are e nang taetae te uea, ao e taetae te b'anaa mai karawa ni kaangai, “Te uea ae Nebukaneta ko na ongora n te b'ai ae N nang taekinna! E a anaaki m'aakan ueam mairoum.

Taniera 5:20

Ma i bukina ngke e a manga kainikatonga ma n taningabono, ao n tiritiri, ao e a kam'awaki man ana kaintokanuea ao e bua nnena ni karineaki.

Taniera 7:2

te b'ai are I nooria n te tairiki anne: E kare te ang n akea unna, ao e kabuakaa nanoni marawa.

Taniera 7:6

Ao ngke I tabe ni mataku, ao e a manga kaoti te man temanna, ae kaanga ai aron taraan te reb'ari, ma iai aua baina ni kiba i aon akuuna, aika kaanga bain te mannikiba, ao iai aua atuuna, ao e anganaki te m'aaka n tautaeka.

Taniera 8:22

Ao kooro ake aua ake a kaoti i mwiin b'akan te moani koro bon rab'atan tautaeka ake aua ake a na tib'aaki nako iai te botannaomata arei, ao e na aki roko ni korakoran te moan tautaeka.

Taniera 8:5

Ao ngke I tabe ni mimi b'a tera nanon te baei, ao e kaoti te kooti ae e bane birina mai maeao, e rangi ni bane birina n te aro are e a aki toko waena ma aontano. Ao iai korona teaina ae e terenako i marenan matana ake uoua.

Taniera 8:7

Ao I mataku ngke e tabe n un ma te tiibu te m'aane. E bon rangi n un n te aro are e okianako ao e urui korona te tiibu m'aane ake uoua. Bon akea korakoran te tiibu m'aane ni kaitaraa. A b'aka nako aontano ao e toubekaaki, ao bon akea temanna ae e konaa ni kamaiua.

Mataio 24:31

ao ane E na kanakoia ana anera n tangin te buu ae tangi m'aaka, ao a na botiia ana aomata te Atua ake E a tia n rineia man taabo nako i aonnaba.

Mareko 13:27

Ane E na kanakoia anera nakon iteran aonnaba ake aua, b'a a na botiia ana aomata te Atua mai tabon aonnaba are teuana ao mai tabona are teuana.

Te Tua-Kaua 31:20

I uotiia ngkai nakon te aba are I berita iai nakoia aia bakatibu. Bon te aba ae kaub'ai n te miriki ma ana karewe te manibeeru, ao e na ri aon ae riai m'aitin kanaia kain Iteraera. Ma ane a na marikarika ao a na tannako mairou.

Te Kaotioti 7:1

Ao i mwin arei ao I noriia anera aika aman b'a a tei ni maninganingan aonnaba, ake maninganingana ake aua, ao a tau angin aonnaba, ake aang ake aua, b'a e na aki uki te ang i aonnaba, ao i marawa, ao e na aki uka te kai tekaina n neakinna.