Taniera 8:7 - Te B'aib'ara

⁷ Ao I mataku ngke e tabe n un ma te tiibu te m'aane. E bon rangi n un n te aro are e okianako ao e urui korona te tiibu m'aane ake uoua. Bon akea korakoran te tiibu m'aane ni kaitaraa. A b'aka nako aontano ao e toubekaaki, ao bon akea temanna ae e konaa ni kamaiua.

Taniera 8:7 ပူးပေါင်းရင်းမြစ်များ

Taniera 11:11

E na rangi n un uean Aikubita, ao e na nako ni buakana uean Tuuria, ma ni kataenikaia ana taanga ni buaka are e korakora.

Taniera 7:12

Ao e a tia n anaaki m'aakaia, ma a kariaiakaki b'a a na tiku ni maiu n te tai ae e a tia ni baaireaki.

Taniera 7:7

Ao ngke I tabe ni mataku, ao e kaoti te kaaman ni man. E korakora ao e kakamaaku. E kangkanta kanana ni wiina aika taian biti, ao i mwiina e a manga toubekaia. E kaokoro ma maan ake tabeman b'a iai tebwina korona.

Taniera 8:10

E boni korakora n te aro are e kona ni kaaitaraa te taanga ni buaka mai karawa, ma taiani itoi, ao e kab'akaia tabem'aang nako aontano ao e toubekaia.

Taniera 8:6

Ao e kanenei ni kaineta te tiibu m'aane are I nooria ngkoa n tei i rarikin te karaanga, ao e kabanea korakorana ni biri nakoina.

Taniera 8:8

Ao e rikirake ni kamoamoa te kooti arei, ao e a uruaki korona i bukini korakoran m'aakana. Ao a manga kaoti aua te koro aika a teretere raoi n onea mwiina, ao a kotoi taabo aika a kakaokoro n tatabeua nako.

Nakoaia Ibonga 26:37

Ao ane kam na mamaara ma n tatatata ao ni b'aka temanna i aon temanna, e ngae ngkana akea ae e kakioingkami.

Iotua 8:20

Ngke a tanrikaaki tautian Ai, ao a noora te bubu ae korakora ae waerake nako karawa. Ao bon akea riki aia anga ni birinako, b'a a manga rairaki tautian Iteraera ngkoa ake a kakioia nakon aaba ake a rereua, b'a a nang manga buakaniia.