Taniera 8:5 - Te B'aib'ara

⁵ Ao ngke I tabe ni mimi b'a tera nanon te baei, ao e kaoti te kooti ae e bane birina mai maeao, e rangi ni bane birina n te aro are e a aki toko waena ma aontano. Ao iai korona teaina ae e terenako i marenan matana ake uoua.

Taniera 8:5 ပူးပေါင်းရင်းမြစ်များ

Taniera 11:3

Ao i mwiina e na kaoti te uea ae e korakora. E na taua taekan te abanuea ni kabane mani karaoa are e bon tangiria.

Taniera 2:32

E karaoaki atuuna man te koora ae te kabanea n raoiroi; ao a karaoaki b'aab'aana ma baina n te tirewa; ao mani koreana nakon nimoimoin waena n te buraonti,

Taniera 2:39

E na manga teirake te tautaeka teuana i mwiim, ma tiaki aron korakoram, ao e na manga teirake te katenua n tautaeka, ae te buraonti, are e na taua taekan te aonnaba ni kabane.

Taniera 7:6

Ao ngke I tabe ni mataku, ao e a manga kaoti te man temanna, ae kaanga ai aron taraan te reb'ari, ma iai aua baina ni kiba i aon akuuna, aika kaanga bain te mannikiba, ao iai aua atuuna, ao e anganaki te m'aaka n tautaeka.

Taniera 8:21

Te kooti bon rab'atan te tautaeka ni Kuriiti, ao te koro are e terenako i marenan matana bon te moani uea.

Taniera 8:6

Ao e kanenei ni kaineta te tiibu m'aane are I nooria ngkoa n tei i rarikin te karaanga, ao e kabanea korakorana ni biri nakoina.

Taniera 8:8

Ao e rikirake ni kamoamoa te kooti arei, ao e a uruaki korona i bukini korakoran m'aakana. Ao a manga kaoti aua te koro aika a teretere raoi n onea mwiina, ao a kotoi taabo aika a kakaokoro n tatabeua nako.