Taniera 8:4 - Te B'aib'ara

⁴ I tabe n tarataraa te tiibu m'aane arei ngke e butubutu ni wairio, nakoiang, ao n nakoaiaki. Ao bon akea ae e konaa ni kaitaraa, ke ni maiu mai rouna. E karaoa are e bon taku, ao e rikirake ni kainikatonga.

Taniera 8:4 ပူးပေါင်းရင်းမြစ်များ

1.Uea 22:11

Ao Tetekia are natin Kenaana are temanna mai buakoia burabeti, e karaoa te koro man te biti, ao e takaarua ni kaangai, “Aaba, E taku te UEA b'a ko na buakaniia kaain Turia n aron te kaom'aane ma korona aika biiti mani kamaunai mataia.”

Iobi 10:7

Ko bon ataia b'a I aki bure, ma antai temanna ae kona n tei i buku ni kaaitarako?

Taian Areru 44:5

ao ti tokanikai i aoia aiara ni m'aakam.

Taian Areru 50:22

Ngkami akana kam m'am'anuoka taekau, Kam na ongora n aio b'a I kaawa n raebitingkami, ao akea ae na kamaiungkami:

Taian Areru 7:2

B'a rimwi a na raebitiai kanga te raian ngkana e raebitia konana, ao akea ae e kona ni kamaiuai.

Etekiera 34:21

Kam a tia ni kamanenai koromi aika a korakora ngkami aika kam korakora ni kakioia nako aika a mamaara,

Taniera 11:16

Ao tautian Tuuria a na karaoa are a bon taku nakoia, ao akea totokoaia. E na tei i aon te aba ni berita ma n taua ni kabane i aani m'aakana.

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 5:19

E rangi ni korakora n te aro are a maaku man ruru botannaomata, ao aekaki n reeti nako i rouna. E tiringa ane e kan tiringnga, ao e kamaiua ane e kani kamaiua. E karinea ke e tewenakoa ane e bon taku.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Taniera 7:5

Ao te kauoua ni man, kaanga ai aron te bea are e tei i aoni waena ake mai buki. Ao e tenai tennai te rii i nanoni wiina, ao e taku te b'anaa nakoina, “Waaki nako, kana te iriko n aron tokin am konaa!”

Taniera 8:7

Ao I mataku ngke e tabe n un ma te tiibu te m'aane. E bon rangi n un n te aro are e okianako ao e urui korona te tiibu m'aane ake uoua. Bon akea korakoran te tiibu m'aane ni kaitaraa. A b'aka nako aontano ao e toubekaaki, ao bon akea temanna ae e konaa ni kamaiua.

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Te Tua-Kaua 33:17

A kakannato ao a kakamaaku n aron te kaom'aane ke te kao ae aki manana, aia taanga ni buaka Eberaim ao Manate a na ewariia botannaomata aika raroanako n aia kainiwai.