Taniera 8:23 - Te B'aib'ara

²³ “Ao ngkana a uakaan tokin taian tautaeka aikai, ao ane a na rikirake n rangi ni buakaka n te aro are a na bon anganaki te rekenikai, e na kaoti te uea ae e taningabono ae e buakaka kateina ae te tia kam'ane.

Taniera 8:23 ပူးပေါင်းရင်းမြစ်များ

Karikani B'aai 15:16

A na reke aua te roro i m'aain okiia ami kariki, b'a N na bon aki kanakoia kaain Amora ni karokoa te tai are a rangi ni buakaka aia m'akuri iai, ao a bon riai ni katuaeaki.”

Taeka n Rabakau 1:6

taeka n rabakau ma taeka n reirei, ao ai uana naba ma taeka ni wanawana ao aekaki n taeka ni karariki ni kabane.

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.

Etekiera 38:8

b'a tabeua riki te ririki, ao N na tuangko b'a ko na kataenikaia Iteraera, te kaawa are e uruakaki n te buaka. E a tia ni kiitanaki n te tai ae e maan, ma a tia n oki kaaina mairouia botannaomata aika ianena ake a maeka iai ngkoa. A maeka ngkai Iteraera ma te rau ni maungan oin abaia.

Taniera 10:14

I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”

Taniera 11:21

Ao e boni waaki nako naba te anera ni kab'ara nanon te kaotioti: Uean Tuuria ane te kauoman bon te aomata ae e rangi ni buakaka ae bon akea riaina b'a e na uea, ma e na reke m'aakana n te aro ae e aki kaantaningaki man ana m'akuri ni mamanibuaka.

Taniera 11:24

E na buakani burawinti n te aro ae e aki kantaningaaki, ma ni karaoi m'akuri aika a tuai mani kakaraoaki irouia ana bakatibu. Ao i mwiina e na manga tib'ai nakoia raona b'aai, ao ana b'ai ake a reke naba i rouna n te buaka. E na karaoa ana baire i bukin buakanakin taian nono, ma e na bon aki tau ana tai.

Taniera 7:11

Ngke I bon tabe ni mamataku, ao I ongo tangin te bu ae e taetae ni kamoamoa. Ngke I tabe ni mataku, ao e a tiringaki te man are te kaaman, ao e tewenakoaki rab'atana nako nanon te ai ni kamaunaaki.

Taniera 7:20

Ao I tangiria ni kan atai aroni kooro ake tebwina ake i aon atuuna, ai moaraara riki te koro teaina are e a tib'a kaoti, are e manga kab'akai kooro ake tennai. Are iai matana ao wiina kaanga te aomata, ao e rangi ni kainikatonga. E bon rangi ni kakamaaku riki nakoia ake tabeman.

Taniera 7:25

E na taetae n eekaanako te Atua ae Moan te M'aaka, ao e na karawawataia ana Aomata te Atua. Ao e na kataia ni bita tuan ma botakin aia aro, ao a na mena ana Aomata te Atua i aani m'aakana i nanon tenua ma te iterana te ririki.

Taniera 7:8

Ao ngke I tabe ni matakuakini taiani koro ao I noora te koro teaina ae e uarereke ae e kaoti i rarikin ake tabeai. Ao e kouti tennai taiani koro mai buakon ake a kamani mena i m'aaina. Iai matan te koro aei kaanga te aomata, ao iai naba wiina ae e rangi n taetae ni kamoamoa.

Taniera 8:22

Ao kooro ake aua ake a kaoti i mwiin b'akan te moani koro bon rab'atan tautaeka ake aua ake a na tib'aaki nako iai te botannaomata arei, ao e na aki roko ni korakoran te moan tautaeka.

Taniera 8:24

E na rikirake ni korakora, ma tiaki man oini korakorana. E na karaoa te urub'ai ae e kakamaaku, ao a kookoro bukin b'aai ake e karaoi. E na kamaunaiia aomata aika a korakora ma ake bon oin ana Aomata te Atua.

Taniera 8:25

A nanakoraoi ana m'akuri nako ni mamanibuaka, i bukina ngke bon te aomata ae te tia kam'ane ngaia. E kamoamoa i aon rab'atana, ao e tiringiia aomata n akea te katauraoi. E na boni kaitaraa naba te UEA are e korakora i aon b'aai ni kabane, ma e na bon tiringaki, tiaki ni bain te aomata.

Warekaia Iteraera 24:24

A na roko kaibuke mai Kubero, ni uotiia aomata ake a na buakan aban Aturia ma Ebera. Ma n tokina, e na boni mauna nako Kubero.”

Mataio 23:32

Kam na waki ni katia te baere a tia ni moana karaoana ami bakatibu.

Te Tua-Kaua 28:50

A na bon aki nanoanga naba teutana, ao a na bon akea naba karineaia aomata aika a kara ke n nanoangaia ataei.

1.I-Tetaronike 2:16

ao a kataia n tukiira b'a ti na aki taetae nakoia aomata aika tiaki I-Iutaia, n taeka aika a na kamaiuaki iai.

1.Timoteo 4:1

E taetae te Tamnei are Raoiroi ni kaotia raoi b'a ni boong aika kabanea ni boong, ao bon iai tem'aangina aika na kaaka taekan te onimaki; ao ane a na iri nanoia tamnei aika bureburea te aba, ma aia reirei taimonio,

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.