Taniera 8:21 - Te B'aib'ara

²¹ Te kooti bon rab'atan te tautaeka ni Kuriiti, ao te koro are e terenako i marenan matana bon te moani uea.

Taniera 8:21 ပူးပေါင်းရင်းမြစ်များ

Taniera 10:20

Ao e taku, “Ko ataia b'a tera bukin rokou iroum? E kaotaki nakoim te b'ai are e koreaki n te boki are te Koaua. Ao ngkai N nang okirikaaki ni buakana te anera are e teiakina te tautaeka ni Bootia.

Taniera 11:2

Ao e boni koaua te b'ai ae N nang tuangko.” E taku te anera, “Teniman riki uea aika a na tautaekana Botia, ma n taorimwiiaki iroun te kaaman, are e na rangi ni kaub'ai nakoia ake tabem'aang. E na kakaewenakoa te abanuea are Kuriiti ngkana e korakora m'aakana ma kaub'aina.

Taniera 11:3

Ao i mwiina e na kaoti te uea ae e korakora. E na taua taekan te abanuea ni kabane mani karaoa are e bon tangiria.

Taniera 2:39

E na manga teirake te tautaeka teuana i mwiim, ma tiaki aron korakoram, ao e na manga teirake te katenua n tautaeka, ae te buraonti, are e na taua taekan te aonnaba ni kabane.

Taniera 7:6

Ao ngke I tabe ni mataku, ao e a manga kaoti te man temanna, ae kaanga ai aron taraan te reb'ari, ma iai aua baina ni kiba i aon akuuna, aika kaanga bain te mannikiba, ao iai aua atuuna, ao e anganaki te m'aaka n tautaeka.

Taniera 8:20

Te tiibu m'aane are ko nooria are iai korona aika uaai bon rab'atan te tautaeka ni Miiria ao ni Bootia.

Taniera 8:22

Ao kooro ake aua ake a kaoti i mwiin b'akan te moani koro bon rab'atan tautaeka ake aua ake a na tib'aaki nako iai te botannaomata arei, ao e na aki roko ni korakoran te moan tautaeka.

Tekaria 9:13

N na kamanenaa Iuta b'a Au kainikatebe ao Iteraera b'a Au kanoanikatebe. N na anaia kaain Tion b'a Au kabaang ma ni buakaniia kaain Kuriiti.